सन् १९६९ मा आजकै दिन : कानको जन्म

कानले कार्ल्सरुहर एससीको युवा टोलीबाट १९७५ मा फुटबल खेल्न थालेका थिए । त्यसको १२ वर्षपछि उनले व्यावसायिक रूपमा क्लब प्रतियोगितामा डेब्यु गरेका थिए ।

कानले १९९४ देखि २००८ सम्म बायर्न म्युनिखबाट व्यावसायिक फुटबल खेल खेलेका थिए । उनी जर्मन फुटबल इतिहासकै सफल खेलाडीका रूपमा चिनिन्छन् । उनी सम्मिलित टोलीले ८ बुन्डेस लिगा, ६ डीएफबी–पोकल, १९९६ मा यूईएफए कप, २००१ मा यूईएफए च्याम्पियन्स लिग र अन्तर महादेशीय कप जितेको थियो ।

कानले चार पटक यूईएफए उत्कृष्ट युरोपेली गोलरक्षक, तीन विश्वको उत्कृष्ट गोलरक्षक पुरस्कार, र दुई पटक जर्मन वर्ष फुटबलर ट्रफी जितेका थिए । २००२ फिफा विश्वकपमा उनले गोल्डेन बल जितेका थिए ।