कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: ९५

महासेठप्रति एमाले सांसद पन्तको टिप्पणी : मन्त्री एउटा निर्वाचन क्षेत्र र जिल्लाको मात्रै हुँदैन

काठमाडौँ — प्रतिनिधिसभाको मंगलबारको बैठकमा भौतिक पूर्वाधार तथा यातायातलगायतका मन्त्रालयको आगामी आर्थिक वर्षको विनियोजनको विषयमा छलफल भइरहेको छ ।

महासेठप्रति एमाले सांसद पन्तको टिप्पणी : मन्त्री एउटा निर्वाचन क्षेत्र र जिल्लाको मात्रै हुँदैन

सांसदहरूले भने सबैभन्दा बढी आलोचना भौतिक पूर्वाधार मन्त्रालयको विनियोजनमाथि गरिरहेका छन् । सत्तापक्ष र प्रतिपक्षका सांसदहरूले उपप्रधानसहित भौतिक पूर्वाधार तथा यातायात मन्त्री रघुवीर महासेठको आलोचना गरिरहेका छन् ।

एमालेका सांसद रघुजी पन्तले भौतिक पूर्वाधार तथा यतायातमन्त्री रघुवीर महासेठलाई मन्त्री एउटा निर्वाचन क्षेत्र र जिल्लाको मात्रै नहुने कुराको ख्याल गर्न सुझाएका छन् ।

भौतिक पूर्वाधान मन्त्रालयको विनियोजनबारे छोटो टिप्पणी गरेका पन्तले भने, 'म भौतिक योजना मन्त्रालयबारे धेरै टिप्पणी गर्न चाहान्न, सत्तापक्ष र प्रतिपक्षका सांसदहरूले धेरै कुरा भनि नै सक्नुभएको छ । म एउटै मात्र कुरा भन्न चाहन्छु मन्त्री एउटा निर्वाचन क्षेत्र र जिल्लाको मात्रै हुँदैन, ऊ सिंगो देशको हुन्छ ।'

सांसद पन्तले सांसदहरूले पनि आफ्नो निश्चित क्षेत्र र समुदायको मात्रै होइन भन्ने मनस्थिति राख्नुपर्नेमा मन्त्रीले त झन् देशको प्रतिनिधित्व गरिरहेको छु भन्ने ख्याल गर्नुपर्ने बताए ।

'मन्त्री मात्रै होइन, विभिन्न समुदायलाई सामुदायिक रूपमा प्रतिनिधित्व गरेर आउनुभएको सांसद, लैंगिक रुपमा प्रतिनिधित्व गरेर आउनुभएको सांसद, क्षेत्रगत रूपमा प्रतिनिधित्व गरेर आउनुभएको सांसद, हुनुस् अथवा निर्वाचन लडेर आउनुभएको सांसद हुनुस्, उहाँहरू एउटा क्षेत्र, समुदाय, जात र लिंग विशेषको मात्रै सांसद हुनुहुन्न,' पन्तले सम्झाए, 'सांसद पनि सिंगो देशको हुन्छ । त्यो सिंगो देशलाई बोक्ने ल्याकत देखाउन सकिन्छ कि सकिन्न त्यो आफूमा भर पर्ने कुरा हो र त्यो तपाईं हाम्रो कामले सांसदका अभिव्यक्तिले मन्त्रीका कमहरूले ती कुराहरूलाई व्यक्त गर्छ । म भौतिक योजना मन्त्रालयबारे यहाँभन्दा बढी टिप्पणी गर्न चाहन्न ।'

प्रकाशित : असार ४, २०८१ १४:५५
प्रतिक्रिया
पठाउनुहोस्
जनताको राय

उपसभामुख इन्दिरा रानाले डेढ वर्षअघि पदीय मर्यादाविपरीत अमेरिकी राजदूतावासलाई पत्र लेखेको सार्वजनिक भएको छ । यसबारे तपाईंको धारणा के छ ?

×