सडकमा 'ट्राफिक स्वयंसेवक' नखटाउन सर्वोच्चको अन्तरिम आदेश
सर्वोच्च अदालतले ट्राफिक नियम उल्लंघन गरेका सवारी चालकहरूलाई ट्राफिक स्वयंसेवकका रूपमा सडकमा खटाउने उपप्रधान तथा गृहमन्त्री रवि लामिछानेको आदेशलाई कार्यान्वयन नगर्न अन्तरिम आदेश दिएको छ ।
सर्वोच्च अदालतले ट्राफिक नियम उल्लंघन गरेका सवारी चालकहरूलाई ट्राफिक स्वयंसेवकका रूपमा सडकमा खटाउने उपप्रधान तथा गृहमन्त्री रवि लामिछानेको आदेशलाई कार्यान्वयन नगर्न अन्तरिम आदेश दिएको छ ।
वाईआरसीसी क्रिकेट क्लब विराटनगरले प्रथम कोशी प्रदेश दिवारात्रिकालीन टी–१० क्रिकेट प्रतियोगिताको उपाधि जितेको छ ।
सहकारी ठगी प्रकरणमा उपप्रधान तथा गृहमन्त्री रवि लामिछानेलाई पदबाट निलम्बन गर्न र उनीविरुद्ध कुनै मुद्दा छैन भन्ने महान्यायाधिवक्ता कार्यालयको पत्र खारेजीको माग गर्दै दायर रिटमा सर्वोच्च अदालतले कारण देखाउ आदेश जारी गरेको छ । न्यायाधीश तिलप्रसाद श्रेष्ठको इजलासले आइतबार कारण देखाउ आदेश जारी गर्दै अन्तरिम आदेशका लागि छलफलमा समेत बोलाउने आदेश गरेको हो ।
मालपोत र नापी कार्यालय घेराउ गर्न गर्न गएका स्वर्गद्वारी आश्रमका गुठीपीडित मोही किसानलाई रोक्न खोज्दा भएको प्रहरीसँगको झडपमा १२ जना घाइते भएका छन् । आइतबार मालपोत र नापी कार्यालयमा तालाबन्दी गर्न गएका मोही किसानलाई प्रहरीले लाठीचार्ज र अश्रुग्यास प्रहार गरेको हो ।
चुरे तथा वन जंगल संरक्षणका लागि आह्वान गर्दै काठमाडौंमा प्रदर्शन गरिएको छ । चुरे तथा वन जंगल संरक्षण अभियानको टोलीले आइतबार काठमाडौंको बानेश्वर क्षेत्रमा मुखमा कालोपट्टी लगाएर र हातमा 'लापता’ लेखेको प्रमुख नेताहरुको फोटो सहितको ब्यानर लिएर सांकेतिक प्रदर्शन गरेको हो । टोलीमा २३ दिनसम्म पैदल हिँडेर सप्तरीदेखि काठमाडौं आइपुगेका २२ जना छन् ।
कावासोतीमा कार्यालय रहेको छिपछिपे उपभोक्ता संस्थाको १६ करोड ५८ लाख रकम हिनामिना गरेको अभियोगमा जिल्ला न्यायाधिवक्ताले ३५ जनाविरुद्ध जिल्ला अदालतमा आइतबार मुद्दा दर्ता गरेका छन् ।
अख्तियार दुरुपयोग अनुसन्धान आयोगले धनुषा शहिदनगर नगरपालिकाका तत्कालीन प्रमुख प्रशासकीय अधिकृत सावनकुमार चौधरीसहित तीन जनाविरुद्ध विशेष अदालतमा आइतबार मुद्दा दायर गरेको छ ।
धनकुटामा आइतबार सुरु भएको सहिद रामकृष्ण श्रेष्ठ स्मृति कोशी प्रदेशस्तरीय अन्तरपालिका महिला फुटबल प्रतियोगितामा धनकुटाको छथर जोरपाटी गाउँपालिकाले विजयी सुरुआत गरेको छ ।
उपप्रधान तथा परराष्ट्रमन्त्री नारायणकाजी श्रेष्ठले मातृभाषाको संरक्षण र विकासमा सरकारले ध्यान दिने बताएका छन् । आइतबार भक्तपुरमा सम्पन्न प्रथम अन्तर्राष्ट्रिय मातृभाषा पत्रकारिता सम्मेलनमा उनले सरकारी निकायले पनि मातृभाषाको संरक्षण र विकासमा ध्यान दिनुपर्ने बताए ।
मुगुम कार्मारोङ गाउँपालिकाको पाटन क्षेत्रमा यार्चा टिप्न गएका ५ जनाको लेक लागेर मृत्यू भएको छ भने अन्य ५ सय २६ जनाको औषधि उपचार भइरहेको छ । लेक लागेर दुई दिनमै छायाँनाथ रारा नगरपालिकाका चार जनाको मृत्यू भएको र दुई साताअघि जुम्लाको एक युवकको मृत्यु हुँदा हालसम्म ५ जना यार्चा संकलकको ज्यान गएको मुगुम कार्मारोङ गाउँपालिकाले जनाएको छ ।