काठमाडौं महानगरपालिकाले अटिजम भएका बालबालिकामैत्री विद्यालय सञ्चालन गर्ने तयारी थालेको छ । विद्यालय सञ्चालन गर्नका लागि आवश्यक अध्ययन गरेर प्रतिवेदन तयार गर्न महानगरले दुई सदस्यीय समिति गठन गरेको हो ।
१३ वर्षको हुँदा आफू पढ्ने विद्यालयकै प्रधानाध्यापकले बलात्कार गरेको विरुद्ध जिल्ला अदालत र उच्च अदालतबाट न्याय नपाएपछि बाराकी एक पीडित काठमाडौंस्थित सर्वोच्च अदालत धाइरहेकी छन् । सात वर्षअघि नाबालिक हुँदा बलात्कारको सिकार बनेपछि प्रहरीमा आमाले दिएको जाहेरीबाट उनको न्यायको लडाइँ सुरु भएको हो ।
उच्च अदालत पाटनले राष्ट्रिय महिला आयोगकी अध्यक्ष कमलाकुमारी पराजुली मुछिएको अनियमितता मुद्दामा अख्तियार दुरुपयोग अनुसन्धान आयोगविरुद्ध कारण देखाउ आदेश जारी गरेको छ ।
देशभर डढेलो लाग्ने क्रम सुरु भएसँगै राजधानी काठमाडौंसहितका स्थानमा केही दिनयता वायु प्रदूषण बढेको छ । सुक्खायामका कारण डढेलो र गहुँका छ्वालीजस्ता कृषि अवशेषहरू जलाउने क्रम बढेकाले अघिपछिभन्दा वायु प्रदूषण उच्च भएको हो ।
गत शनिबार दिउँसो हावाहुरी र असिना–पानीसँगै परेको चट्याङ लागेर दैलेखकी एक बालिकाको मृत्यु भयो । बाख्रा चराउन जंगल गएका बेला एक्कासि परेको चट्याङ लागेर भैरवी गाउँपालिका–६ तोरीमूलकी १३ वर्षीया शर्मिला कँडेल अचेत भएकी थिइन् ।
बझाङको सेती नदी सेरोफेरोमा जन्मेहुर्केकी जानकी नेपालीले पहिरो र बाढीसँग कतिन्जेल पौठेजोरी खेलिरहनुपर्ने हो थाहा छैन । माइती छँदा सेतीमा आएको बाढीले लखेट्यो । विवाह गरेर गएको गाउँमा पनि सडकले निम्त्याएको पहिरोले लखेटिरहेकै छ ।
कालीकोटस्थित नाग्म बजारदेखि हिमा नदी किनारैकिनार उत्तर लागेपछि जुम्लाको कनकासुन्दरी गाउँपालिका–५ मा पर्ने बारकोटेबाडा गाउँ पुगिन्छ । रूख, बुट्यान र घारीले छोपिएको जमिनमा झट्ट हेर्दा ठूलो पहिरो देखिँदैन । डेढ वर्षअघि यही गाउँमा पहिरोमा पुरिएर दुई परिवारका सात जना एकै चिहान भए । सडकबाट खसेको पहिरोले पुरिएर उनीहरूको मृत्यु भएको हो । १२ परिवारको यो बस्तीमाथिको जमिन आउँदो मनसुनमा पहिरो जान ठिक्क परेजसरी धाजा फाँटेर चिराचिरा परेका छन् ।
काठमाडौं प्रशासनले बुधबार जोरपाटीस्थित नेपाल अपांग संघ खगेन्द्र नवजीवन केन्द्रको केन्द्रीय कार्यालयमा अनुगमन गरेको छ । गृह मन्त्रालय, काठमाडौं जिल्ला प्रशासन प्रमुख र प्रहरी प्रमुखसहितको टोलीले बुधबार दिउँसो केन्द्रको कार्यालय पुगेर अनुगमन गरेको हो ।
डेढ वर्षको हुँदादेखि ‘आमाबाबा’ भन्ने छोराले साढे २ वर्षको भएपछि अचानक नबोल्ने र एकोहोरिने स्वभाव देखाएपछि अभिभावक आत्तिए । काठमाडौंका विभिन्न स्वास्थ्य संस्थाहरू धाउँदा छोरालाई अटिजम भएको थाहा भयो ।
