जनकबहादुर शाही

नेकपा एमाले हुम्लाको अध्यक्षमा ज्ञामी बुमी निर्वाचित हुनु भएको छ । नेकपा एमाले हुम्लाको १० औं जिल्ला अधिवेशनमा सर्वसम्मत नेतृत्व चयन गर्न नसकेपछि चुनावी प्रक्रियाबाट बुमी अध्यक्षमा निर्वाचित भएका हुन् । 

हुम्ला सदरमुकाम सिमकोटलाई राष्ट्रिय सडक सञ्जालमा जोड्ने सपना यसवर्ष पनि अधुरै रहने भएको छ । नेपाली सेनाले जिम्मा लिएको चट्टाने भिर छिचोल्ने काम सम्पन्न भए पनि खार्पुनाथ गाउँपालिकाको खार्पु भएर बग्ने चुवाखोला कर्णाली नदीमा पुल नबन्दा हुम्ला सदरमुकाम सिमकोट राष्ट्रिय सडक सञ्जालमा जोडिन नसकेको प्रमुख जिल्ला अधिकारी विनोद कुमार पोखरेलले बताए ।

हुम्ला सदरमुकाम सिमकोटबाट ४४ कोष टाढा रहेको अदानचुली गाउँपालिकामा बोलेरो जीप दुर्घटना हुँदा २ जनाको मृत्यु भएको छ । दुर्घटनामा परी ७ जना घाइते भएका छन् । दुर्घटनामा परी अदानचुली गाउँपालिका–५ करगाईका अन्दाजी ३५ वर्षीय फागुने लोहार र सोही वडाका १३ वर्षीय प्रवेश ऐडीको ज्यान गएको जिल्ला प्रहरी प्रमुख डिएसपी रविन्द्र खनालले बताए ।

हुम्लामा शनिबार बोलेरो जीप दुर्घटना हुँदा २ जनाको मृत्यु भएको छ । दुर्घटनामा परी ६ जना घाइते भएका छन् । 

हुम्ला सदरमुकाम सिमकोटमा कर्णाली प्रदेशकै पहिलो हक्की खेल मैदान बन्ने भएको छ । खेलाडीलाई अभ्यासका लागि खेल मैदानको अभाव रहेको अवस्थालाई मध्यनजर गर्दै आइतबार एक कार्यक्रमबीच कर्णाली प्रदेशका पूर्वमुख्यमन्त्री जीवनबहादुर शाहीले खेल मैदान शिलान्यास गरेका हुन् ।

नेपाली कांग्रेस कार्यसम्पादन समिति हुम्लाको बैठकले महासमिति बैठकका लागि ७ बुँदे सुझाव दिने निर्णय गरेको छ । बुधबार पार्टी कार्यालय सिमकोटमा बसेको समिति बैठकले पार्टी सरकारमा रहेको अवस्थामा र अन्य अवस्थामा देशमा रहेका गम्भीर समस्या र जनताका जल्दाबल्दा समस्या समाधान गर्दै पार्टीलाई अझ मजबुत र बलियो बनाउन ७ बुँदे सुझाव दिने निर्णय गरेको कांग्रेस हुम्लाका कार्यवाहक सभापति कैलाश भण्डारीले बताए ।

वनमा डढेलो निभाउने क्रममा एक जना महिला घाइते भएकी छन् । बिहीबार हुम्ला सदरमुकाम सिमकोटदेखि करिब ८ कोष टाढा रहेको खार्पुनाथ-५ याङचुमा लागेको आगो निभाउने क्रममा स्थानीय अन्दाजी ४९ वर्षीया लक्षिमा सिंह घाइते भएकी हुन् ।

गत बिहीबारबाट मौसममा आएको परिवर्तनले हुम्लाससहित हिमाली क्षेत्रमा हिमपात भएको छ । हिउँ परेसँगै हुम्लामा चिसो बढेर तापक्रम माइनस १२ पुगेको छ । हुम्लाका सबै गाउँपालिकाका हिमाल हिउँले ढाकेका छन् । शनिबार घाम लागेसँगै हिउँ चाँदी झै टल्किएका छन् ।

हिमाली जिल्ला हुम्लामा हिमपात भएको छ । गएरातिदेखि मौसममा बदली भई भारी हिमपात भएको हो । यो यस वर्षको दोस्रो हिमपात हो । हुम्लामा यस वर्ष गत मंसिर १८ गते पहिलो हिमपात भएको थियो । गत वर्ष भने माघमा मात्र हिमपात भएको थियो ।

सलीसल्लामा बेलिब्रिज जडान भएसँगै दक्षिणी हुम्ला राष्ट्रिय सडक सञ्जालसँग जोडिएको छ । चंखेली र सर्केगाड गाउँपालिकाको सिमाना सलीसल्लाको कर्णाली नदीमाथि बेलिब्रिज निर्माण हुँदा दक्षिणी हुम्लाका चार गाउँपालिका राष्ट्रिय सडक सञ्जालसँग जोडिएका छन्।