महाकाली नदीमा आएको बाढीले शुक्लाफाँटा राष्ट्रिय निकुञ्जमासमेत ठूलो क्षति पुर्याएको छ । निकुञ्ज कार्यालयका अनुसार बाढीले १० हेक्टर बढी वन क्षेत्र कटान गरेको छ ।...
पर्यटकीयस्थल रानीमहल जाने सडकमा शुक्रबार पुन: पहिरो खसेको छ । पहिरो खसेपछि रानीमहल क्षेत्रमा पुगेका सय बढी पर्यटक अलपत्र परेका छन् । तानसेन–रानीमहल सडक खण्डको बैुकण्ठे भीरमा खसेको पहिरो ठूलो भएकाले पन्छाउन कठिनाई भएको छ ।
कर्णाली प्रदेश सरकारले बाढी, पहिरो लगायतका विपद्मा परेर मृत्यु भएकाहरुको परिवारलाई दुर्घटना बिमा बापत २ लाख रुपैयाँ दिने निर्णय गरेको छ । प्रदेश सरकारको शुक्रबार बसेको प्रदेश विपद् व्यवस्थापन परिषद्को बैठकले यस्तो निर्णय गरेको हो । पछिल्लो पटकको बाढीपहिरोले कर्णालीमा ८ जनाको मृत्यु भएको छ भने ४ जना घाइते भएका छन् ।
धौलागिरिको लाइफलाइनका रूपमा रहेको मध्यपहाडी (पुष्पलाल) राजमार्ग सातायता अवरुद्ध हुँदा चार जिल्लामा प्रत्यक्ष प्रभावित भएका छन् । कुश्मा नगरपालिका–७ खरेहादेखि मोदी गाउँपालिका–५ बाजुङको भ्याप्लेखोलासम्म साढे ८ किमि सडक खण्डमा खसेका २० ठूला पहिरोका कारण राजमार्ग अवरुद्ध भएको हो ।
दुई दिनदेखिको वर्षाका कारण पहिरो खस्दा घरमै च्यापिएर रोल्पामा ६७ वर्षीया वृद्धासहित दुई जनाको मृत्यु भएको छ । प्रहरीले घरमाथिबाट पहिरो खस्दा रोल्पा नगरपालिका–१० धबाङस्थित बाम्ला गाउँका वृद्धा गौसरी र उनका नातिको मृत्यु भएको जनाएको छ ।
पुण्यमाता खोलामा आएको बाढीका कारण डुबानमा परेर अवरुद्ध भएको अरनिको राजमार्ग अन्तर्गत काभ्रेको बनेपा पुलबजार खण्डको सडक सुचारु भएको छ । पानीको बहाव घटेपछि करिब १० घण्टापछि यातायात सञ्चालनमा आएको हो ।
आइतबार रातिदेखि परेको अविरल वर्षाका कारण वाग्मतीसहित उपत्यकाका विभिन्न नदीहरूमा बाढी आएको छ । बाढी पूर्वानुमान महाशाखाका अनुसार वाग्मती नदीले खोकनास्थित जलमापन केन्द्रमा जलसतहले सतर्कता तह पार गरेको छ । सोमबार बिहान ५ बजे वाग्मतीको जलसतहले सतर्कता तह पार गरेको महाशाखाले जनाएको छ ।
आइतबार रातिदेखिको अविरल वर्षाका कारण पुण्यमाता खोलामा आएको बाढीका कारण बनेपाको पुलबजार क्षेत्र डुबानमा परेको छ । डुबानका कारण अरनिको राजमार्गमा यातायात सञ्चालनसमेत अवरुद्ध भएको छ ।
अविरल वर्षापछिको बाढीपहिरोले शुक्रबारदेखि अवरुद्ध पोखरा–बागलुङ सडक शनिबार पनि खुलेको छैन । पोखराबाट पर्वत हुँदै बागलुङ जोड्ने भूपी शेरचन राजमार्गको कुश्मा–पातीचौर खण्ड क्षतविक्षत हुँदा आवागमन ठप्प भएको हो । पातीचौरदेखि कुश्मासम्म साना–ठूला गरी ११ ठाउँमा पहिरो खसेर सडक पुरेको छ ।
अविरल वर्षासँगै स्याङ्जाको राम्दी बजार पहिरोको उच्च जोखिममा रहेको छ । भदौ १३ मा गल्याङ नगरपालिका–१ राम्दीमा सिदार्थ राजमार्ग माथिबाट पहिरो खसेको थियो । पहिरोमा वालिङ नगरपालिका–१४ की धनमाया उम्रा मगरको मृत्यु भएको थियो । पहिरोमा परी ४ जना घाइते भएका थिए भने ४ वटा घर पुरिएका थिए ।
घरमाथि मोटरबाटो खनेपछि कुश्मा नगरपालिका–३ दुर्लुङ बाँधस्वाँराका माधव शर्मा पौडेल अर्को घर किनेर बाटोमाथि सरे । सुरक्षित ठानेर किनेको घरमा उनले परिवारसँग एक वर्षभन्दा बढी बिताउन पाएनन् । बिहीबार मध्यरातमा खसेको पहिरोले घर पुर्यो । भित्रै पुरिएका आमा, श्रीमती, दुई छोरी र एक छोरालाई उनले गुमाए । विदेशबाट फर्किएर सुरक्षित घरमा बस्ने उनको सपना पहिरोसँगै पुरियो ।
बाजुरा सदरमुकाम मार्तडी सडक सञ्जालबाट विच्छेद हुँदा अत्यावश्यक दैनिक उपभोग्य सामग्रीको अभाव हुनुका साथै मूल्य वृद्धि भएको छ । थप उपचारका लागि जिल्ला बाहिर लैजानुपर्ने बिरामी सबैभन्दा ठूलो समस्यामा छन् ।
बौदीकाली गाउँपालिका र तनहुँको बीचमा रहेको मानपुर–डेढगाउँ पुल काली गण्डकीको बाढीले भत्काएपछि आवगमन बन्द भएको छ । कालीगण्डकी नदीमा आएको बाढीले मंगलबार पुलको तनहुँतर्फको (पूर्वीउत्तर) खण्ड बगाएको हो । बाढीले पुलसँग जोडिएको जमिनको करिब १५ देखि २० मिटर भाग बगाएर लगेको छ ।
आइतबार बिहान ९ बजेदेखि पहिरो खसेर अवरुद्ध भएको सिद्धार्थ राजमार्ग मंगलबार अपराह्नदेखि एकतर्फी रुपमा खुलेको छ । पहाडै भासिएर राजमार्गमा खसेको पहिरोको जगैदेखि ढुंगामाटो हटाएपछि राजमार्ग एकतर्फी खुलेको सडक डिभिजनका सूचना अधिकारी शिवु खत्रीले जानकारी दिए ।
पहिरो जाँदा सल्यानका सडक ठाउँठाउँमा अवरुद्ध भएका छन् । सल्यान खलंगादेखि कर्णाली प्रदेशको राजधानी सुर्खेत जाने खलंगा बालुवा संग्रही, मदन भण्डारी राजमार्ग अन्तर्गत कालीमाटी–बोटेचौर र छिन्चु–जाजरकोट र सल्लीबजार–चौरजहारी सडक बिहानैदेखि अवरुद्ध भएको छ । सडक अवरुद्ध हुँदा यात्रुलाई सास्ती भएको छ । यात्रुहरु हिँडेर आउजाउ गर्न बाध्य भएका छन् । अवरुद्ध सडक समयमै खुल्न नसक्दा बिरामी भएकालाई उपचार गर्न लैजान झनै कठिनाई भएको छ ।
