रौतहट प्रशासनले दशगजामा एकपक्षीय रूपमा बनाएको बाँध हटाउन भारतीय पक्षलाई पुनः आग्रह गरेको छ ।

रौतहटमा प्रहरीले होटलमा तास खेल्दै गरेको अवस्थामा शनिबार ९ जनालाई पक्राउ गरेको छ । तासको खालबाट ईलाका प्रहरी चन्द्रनिगाहपुरको टोलीले २ लाख बढी नगद बरामद गरेको छ । 

चन्द्रपुर नगरपालिकाले खैरास्थित चाँदी खोला उत्खननका लागि बर्सेर्नि ठेक्का लगाउन थालेपछि स्थानीय आक्रोशित भएका छन् । खोला उत्खननका कारण बस्ती जोखिममा पर्ने भन्दै स्थानीयले विरोध जनाएका हुन् । 

गौर–औरैया सीमा क्षेत्रको अन्तिम बिन्दुमा रहेको ३४७ नम्बरको पिलरको जग जीर्ण भइसकेको छ । ईशनाथ–१ स्थित ढल्ने अवस्थामा पुगेको यो सीमास्तम्भ मासेर भारतीयले बोरा राख्न खोज्दा गत वर्ष विवाद भएको थियो । भारतीय पक्षले यो भत्केर जाओस् भनिरहेका बेला रौतहट प्रशासनले भने निगरानी नियमित गरेको छ । 

गत वर्ष उखुको भुक्तानी लामो समयसम्म नपाएको भन्दै रौतहटका किसान आन्दोलित भए । किसान, चिनी मिल र सरकारबीच बक्यौता भुक्तानी दिने सहमति भयो । मिल सञ्चालकले सम्झौताअनुसार भुक्तानी नदिएपछि सरकारले पक्राउ पुर्जीसमेत जारी गर्‍यो ।

स्थानीय तहले आर्थिक सहयोगमा चासो नदेखाएपछि गुजरा नगरपालिका–३ स्थित सिम्री गाउँमा स्थापित विद्युत् निकाल्ने ग्यासी फायर प्लान्ट सञ्चालनमा आउन सकेको छैन । लामो समयदेखि बन्द प्लान्टका उपकरणहरू कबाड बन्दै गएका छन् । नगरपालिकाले आफ्नो स्वामित्वमा राखेर प्लान्ट सञ्चालन गर्नुपर्ने स्थानीयले माग गरेका छन् ।

उनीहरूले खानेपानीको माग गरेको झन्डै ३४ वर्ष बितिसक्यो । कुवाको घमिलो पानी पिउन बाध्य चन्द्रपुर–६ लमाहावासीले शुद्ध खानेपानीका लागि गुहार लगाएको यतिका वर्ष बिते पनि सरकारी निकायले चासो देखाएका छैनन् ।

जिल्ला प्रहरी रौतहटले पेस्तोलसहित ३ भारतीयलाई पक्राउ गरेको छ । भारतबाट हतियार बोकेर नेपाल प्रवेश गरेका उनीहरु मौलापुर नागरपालिका-५ स्थित मौलापुर-कलैया सडक खण्डबाट पक्राउ परेका हुन् । 

दशकअघिसम्म तराई–मधेसका किसान सावित्री, रामधान, राधा–४, सावा धान, अर्दिनाथलगायतका रैथाने धान लगाउन हुरुक्क हुन्थे । उब्जनी मनग्यै हुने भएपछि यी जातका धानमा किसानको आकर्षण थियो । हाइब्रिड धान किसानको रोजाइमा परेपछि पुरानो जात लोपझैं भएको छ । 

घरनजिक खेल्दै गरेको अवस्थामा खाडलमा जमेको पानीमा डुबेर साताअघि गरुडा नगरपालिका–८ जिगंडियाकी २ वर्षीया हसिना खातुनको ज्यान गयो । उक्त खाडल आँगनको पानी निकासका लागि खनिएको थियो । असार १६ मा गौर नगरपालिका–४ का बालक प्रमोद साहको पनि बाटोमा जमेको पानीमा डुबेर मृत्यु भयो ।