रानी जमरा कुलरिया सिँचाइ आयोजनाको नहरबाट ४ .७१ मेगावाट बिजुली उत्पादन सुरु भएको छ । आयोजनाका प्रमुख रविन्द्र थापाकाअनुसार आयोजनाबाट उत्पादित बिजुली मंगलबार १२ बजे रातीबाटदेखि लम्कीस्थित १३२ केभी प्रसारण लाईनमा जोडिएको छ ।
तराईका धर्तीपुत्र दाबी गर्ने थारु समुदायले १ माघलाई नयाँ वर्ष अर्थात् माघी पर्वकारुपमा मनाउँछन् । माघी नजिकिँदा थारु समुदायमा बेग्लै रौनक छ । उनीहरुले यही दिन घरको किसनुवा र गाउँको भलमन्सा /बडघर (मुखिया) समेत छनोट गर्दछन् ।
नेपालको जुनियर होस् वा राष्ट्रिय– महिला र पुरुष क्रिकेट टोलीमा सुदूरपश्चिमका खेलाडीको बाक्लो उपस्थिति रहँदै आएको छ । अहिलेमात्र होइन, जहिलेदेखि अन्तर्राष्ट्रिय प्रतियोगितामा नेपालको सहभागिता सुरु भयो, त्यतिबेलैदेखि यो क्रम सुरु भएको हो । विश्व क्रिकेटमा नेपाली क्रिकेट र क्रिकेटरको पहिचान खुलेको अवस्थामा सुदूरपश्चिम नेपाली क्रिकेटमा एक ‘फ्याक्टर’ बन्दै आएको छ ।
जाडो बढेपछि धनगढीको शिवपुरी धामस्थित 'कपडा बैंक'मा न्यानो लुगा लागि धाउनेहरुको संख्या बढेको छ । किन्न सक्ने क्षमता नभएका विपन्नहरुलाई कपडा बैंकमा नि:शुल्क वितरण हुन्छ ।
धनगढी उपमहानगरपालिका–३ बोराडाँडीका तपेन्द्र बोहरा गेटा–धनगढी सडक किनारको एउटा बिरुवामा दिनहुँ पानी हाल्ने गर्छन् । डडेल्धुराको रूपालमा पुर्ख्यौली घर भएका बोहराले उपमहानगरलाई ५ हजार रुपैयाँ तिरेर स्वर्गीय हजुरआमा जसुदेवीको स्मृतिमा उक्त बिरुवा रोपेका हुन् । ‘आमाबुवा भन्दा बढी बज्यैको प्यार र काख पाएँ,’ उनले भने, ‘बोटमा पानी हाल्दा हजुरआमाको अनुहार झलझली आउँछ । सडक छेउमा हुर्किन लागेका बिरुवाले सधैं सम्झने अवसर दिनेछ ।’
धनगढी उपमहानगरपालिकाले १ सय ९० जना जेष्ठ नागरिकलाई मुक्तिनाथ धामको यात्रामा पठाएको छ । यात्राका सहभागीलाई उपमहानगरपालिका कार्यालय प्रांगणबाट आइतबार दिउँसो पञ्चेबाजा बजाएर बिदाइ गरिएको छ । उपमहानगर प्रमुख गोपाल हमालले वृद्धवृद्धालाई लौरो दिँदै रामनामी ओढाएर बिदाइ गरे ।
शिक्षा सेवा आयोग पास भएर उनलाई यस्तो गाउँमा खटिएर जान मन थियो जहाँ समाज परिवर्तनका लागि उदार होस् । शिक्षा र शिक्षकको सम्मान होस् । तर खटिएर पढाउन पुगेकफ गाउँ उनले अपेक्षा गरेभन्दा छुट्टै अनुभव भयो । भर्खरै मोहन्याल अधारभूत विद्यालय मोहन्याल-६ बादेगौजा पदस्थापना भएकी शिक्षिका विमलाकुमारी विष्ट महिनाबारीमा छाउगोठमा बस्नु परेको पीडा सुनाउँछिन् ।
धनगढी उपमहानगरपालिकाले २०८०/८१ को लागि १ अर्ब ९३ करोड ८ लाख रुपैयाँ बराबरको बजेट ल्याएको छ । उक्त बजेट उपप्रमुख नन्दकला रानाले नगरसभाको दशौं अधिवेशनमा प्रस्तुत गरिन् । उपप्रमुख रानाद्वारा प्रस्तुत अनुमानित बजेटमा कुल खर्च चालुतर्फ एक अर्ब १७ करोड ४४ लाख ९७ हजार छुट्टाइएको छ । पुँजीगत तर्फ ७५ करोड ६३ लाख २७ हजार खर्च हुने अनुमान गरिएको छ ।
पश्चिम तराईमा प्रचण्ड गर्मीसँगै तातो लू चल्न थालेपछि जनजीवन प्रभावित भएको छ । किसानहरूलाई दिउँसो कामका लागि घर बाहिर निस्कन मुस्किल भएको छ । गर्मीका कारण कैललाीका स्थानीय सरकारले आइतबारदेखि चार दिनका लागि विद्यालय बन्द गराउने निर्णय गरेका छन् ।
