पाल्पाको तानसेन नगरपालिकाको नीति तथा कार्यक्रम र बजेट सार्वजनिक भएको छ । नगरपालिकाले १५ औँ नगरसभा अन्तर्गत पहिलो बैठकमा नीति तथा कार्यक्रम नगरप्रमुख सन्तोषलाल श्रेष्ठ र बजेट उपप्रमुख प्रतिक्षा गाहा सिंजालीले प्रस्तुत गरेका हुन् ।
१५ वर्षअघि कारागारबाट सुरुङ खनेर फरार एक जना पक्राउ परेका छन् । भारत उत्तरप्रदेश सिद्धार्थनगर जिल्ला चिल्हिया थाना घर भएका स्कुल मियाँ अन्सारी भनिने मोहम्मद स्कुललाई शिवराज नगरपालिका–७ बाट शुक्रबार प्रहरीले पक्राउ गरेको जिल्ला प्रहरी प्रमुख उपरीक्षक नवरत्न पौडेलले बताए ।
क्षेत्रफलका हिसाबले देशकै ठूलो अर्घाखाँचीको शितगंगा नगरपालिकाले कृषि, पर्यटन, रोजगार, शिक्षा र स्वास्थ्यलाई प्राथमिकतामा राख्दै शुक्रबार नीति तथा कार्यक्रम ल्याएको छ ।
लुम्बिनी प्रदेशसभामा पहिलो पटक सांसदहरुले सार्वजनिक महत्त्वकाे संकल्प प्रस्ताव दर्ता गरेका छन् । लुम्बिनी प्रदेशभित्र हुने सडक दुर्घटना रोकथाम गरी मानवीय सुरक्षा र क्षति न्यूनीकरणको व्यवस्थाको सम्बन्धमा लुम्विनी प्रदेश सभा सचिवालमा शुक्रबार संकल्प प्रस्ताव दर्ता भएको हाे ।
लुम्बिनी प्रदेशसभाको बैठक आइतबारसम्मका लागि सूचना टाँसेर स्थगित गरिएको छ । सरकारले आगामी वर्षका लागि प्रस्तुत गरेको बजेटमाथिको छलफल बिहीबारदेखि सुरु भएको थियो ।
लुम्बिनी सरकारले आगामी वर्षका लागि प्रस्तुत गरेको बजेट संघीयता विरोधी भएको भन्दै नेपाली कांग्रेसले अवरोध गरेपछि शुक्रवारको लुम्बिनी प्रदेश सभाको बजेट माथिको छलफल स्थगित भएको छ ।
बुटवलको मध्य बजार मिलनचोकमा रहेको डेल्टा कम्प्लेक्समा भएको आगलागी चार घण्टासम्म पनि नियन्त्रणमा आएको छैन । आगलागी नियन्त्रणा लागि गौतमबुद्ध अन्तर्राष्ट्रिय विमानस्थल, नेपाल आयल निगमसहितका १३ वटा बारुणयन्त्र प्रयोग गरिएको छ । तर, राति १०:३५ सम्म आगलागी निन्त्रण हुन सकेको छैन ।
बुटवलको मिलनचोकमा रहेको डेल्टा कम्प्लेक्समा आगलागी भएको छ । केहीबेर अघि लागेको आगो निभाउने प्रयास भइरहेको प्रहरीले जनाएको छ । विद्युत् सर्ट भएर आगलागी भएको प्रहरीको आशंका छ ।
