टाइमआउट बास्केटबल उपाधि
काठमाडौँ — टाइमआउट नेपालले लोयल्टी कप एसईई थ्री एक्स थ्री छात्र बास्केटबल प्रतियोगिताको उपाधि जितेको छ । आयोजक लोयल्टी एकेडेमीको कोर्टमा शनिबार फाइनलमा टाइमआउटले मनास्लुलाई १८–१७ स्कोरले पराजित गर्यो ।
विजेताका आशिष थापा मगरले १०, लक्की महर्जनले ४, साइरस थापा मगरले ३ र अनिशसिंह धामीले १ स्कोर गरे । टाइमआउटले २० हजार र मनास्लुले १० हजार रुपैयाँ पुरस्कार पाए ।
टाइमआउट शनिबारै एन्ड वान र सेल्फ मेडलाई हराएर फाइनल पुगेको थियो । टाइमआउटका आशिष मोस्ट भ्यालुएबल प्लेयर घोषित भए ।
प्रतिक्रिया