बेवारिसे शव फेला

पाथीभरा भेनियर उद्योगदेखि पल्लोटार बसपार्क जाने बाटो नजिकै स्थानीयले शव देखेपछि प्रहरीलाई खबर गरेका थिए । खबर पाउनासाथ जिल्ला प्रहरी कार्यालय पाँचथरबाट गएको टोलीले घटनास्थलको स्थलगत मुचुल्का तयार पारेको छ ।

शव करिब १८–२० वर्षका युवकको जस्तो देखिए पनि नाम, थर र ठेगाना भने खुल्न बाँकी रहेको जिल्ला प्रहरी कार्यालय पाँचथरका सूचना अधिकारी इन्स्पेक्टर बिनालाल साह तेलीले बताए । उनले घटनाबारे अनुसन्धान शुरु गरेको बताए ।