दिउँसै चितुवाले तीनवटा बाख्रा खायो, गाउँभरि त्रास
पाँचथर — फिदिम नगरपालिका-५ चोकमागुको साजबोटे भन्ने स्थानमा बिहीबार चितुवाले तीन वटा बाख्रा खाएको छ ।
स्थानीय भवानी राईले पालेका ३ वटा बाख्रा खोरबाटै खाइदिएको हो । चितुवाले प्रतिकिलो २० किलो दरका २ माउ बाख्रा र एउटा बोको खाइदिएको हो ।
एउटै चितुवाले तीनवटा बाख्रा मारिसकेपछि एउटा खाएर दुई वटा छोडेर हिडेको राईले जानकारी दिए । बाघले दिउँसै बाख्रा मारेपछि स्थानीय त्रसित भएको राइकै छिमेकमा गाई फर्म सञ्चालन गर्दै आएका मोहनकुमार दाहालले बताए ।
डिभिजन वन कार्यालय पाँचथरका प्रमुख श्रीनारायण यादवले चितुवाले बाख्राको बगालमै पसेर ठुलो परिमाणमा क्षति गर्न सक्ने भएकाले स्थानीयलाई सचेत हुन भनिएको बताए ।
प्रतिक्रिया