विपद् व्यवस्थापन पूर्वतयारी गर्न सरकारसँग राप्रपाको माग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — राष्ट्रिय प्रजातन्त्र पार्टीले बाढी पहिरोका कारण भएको धनजनको क्षतिप्रति दुःख व्यक्त गर्दै विपद् व्यवस्थापनको पूर्वतयारी गर्न सरकारसँग माग गरेको छ । राप्रपा केन्द्रीय कार्यसम्पादन समितिको आइतबारको बैठकले सरकारसँग विपद् व्यवस्थापनमा सबै संयन्त्र परिचालन गर्न सरकारसँग माग गरेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![विपद् व्यवस्थापन पूर्वतयारी गर्न सरकारसँग राप्रपाको माग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/rpp-news-3062024064301-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
केन्द्रीय कार्यसम्पादन समितिको बैठकले पार्टीका नेता तथा कार्यकर्ताहरूलाई पनि विपद्मा परेकाको उद्धारमा खट्न आह्वान गरेको छ । 'देशका विभिन्न ठाऊँमा बाढी पहिरोका कारण भएको धनजनको क्षतिप्रति राप्रपा दु:ख प्रकट गर्दछ । अधिक वर्षा हुने समय आउँदै गरेकाले सजग र सचेत रहन राप्रपा आम जनसमुदायमा हार्दिक अपील गर्दछ,' राप्रपा विज्ञप्तिमा उल्लेख छ, 'विपद व्यवस्थापनको आवश्यक पूर्व तयारी गर्न, सरकारको सबै संयन्त्र परिचालन गर्न राप्रपा सरकारको गम्भीर ध्यानाकर्षण गराउँदछ । साथै, वर्षातले पुऱ्याउन सक्ने सम्भावित क्षतिप्रति चनाखो बन्न, बाढिपहिरो लगायतका घटना भइहालेमा तुरुन्तै क्रियाशील बन्न सबै तहका पार्टी कमिटी र सदस्यलाई राप्रपा आह्वान गर्दछ ।'
खेतीको समय सुरु भइसकेको अवस्थामा किसानलाई सहज र सरल ढंगबाट रासयनिक मल, बिऊबिजन उपलब्ध गराउन पनि राप्रपाले सरकारसँग ध्यानाकर्षण गराएको छ ।
राप्रपाले जिल्ला अधिवेशनको कार्यविधि, २०८१ संशोधन सहित पारित गरेको पनि विज्ञप्तिमा उल्लेख छ । राप्रपा केन्द्रीय कार्यसमितिको बैठकले आगामी २०८२ वैशाखभित्र सबै जिल्लाको जिल्ला अधिवेशन सम्पन्न गर्ने निर्णय गरेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)