नेपाल–स्पेन आईसीटी र हाइड्रोजन टेक्नोलोजीमा सहकार्यको लागि भेला  

कार्यक्रमले प्रचूर मात्रामा नवीकरणीय ऊर्जा स्रोतको सदुपयोग गर्दै गतिशील टेक हब र ‘कस्ट–इफेक्टिभ हाइड्रोजन’ उत्पादनमा नेपालको उदीयमान भूमिकालाई जोड दियो ।

स्पेनका लागि नेपालकी राजदूत शर्मिला पराजुली ढकालले नवप्रवर्तन, सहकार्य र दिगो विकासका लागि साझा दृष्टिकोणलाई प्रकाश पारेकी थिइन् । राजदूत ढकालले शिक्षा र सीप विकासमा नेपालको प्रतिबद्धतालाई जोड दिँदै विश्वव्यापी माग पूरा गर्न तयार रहेको जनशक्ति निर्माण गर्ने बताइन् ।

उनले युरोपेली संघको हालको प्राविधिक प्रतिभाको कमीलाई ध्यान दिएर नेपालले आवश्यक सहयोग उपलब्ध गराउने, प्रतिभाशाली, अनुकूलनीय र प्राविधिक रूपमा दक्ष पेशेवरहरूको समूह प्रदान गर्न राम्रो स्थितिमा रहेको आश्वासन दिइन् ।