लन्डनमा तेस्रो ए स्टार नेप्लिज बास्केटबल लिग डिबीएसले जित्यो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लन्डन — नेपाल बास्केटबल यूकेद्वारा आयोजित तेस्रो ए स्टार नेपलिज बास्केटबल लिग डिबीएस हेजले जितेको छ । लन्डन अक्सब्रीजस्थित ब्रुनेल युनिभर्सिटी स्पोर्ट्स सेन्टरमा शनिबार आयोजित फाइनलमा डिबीएसले ग्रीनफोर्ड नाइट्सलाई पराजित गर्दै दोस्रो पटक च्याम्पियन बनेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![लन्डनमा तेस्रो ए स्टार नेप्लिज बास्केटबल लिग डिबीएसले जित्यो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/basketball1-2462024044942-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
११ हप्ताको लिग खेल र तीन साताको प्ले अफपछि भएको फाइनलमा डिबीएसले उल्लेखनीय कौशल र दृढ संकल्प प्रदर्शन गर्दै लिगमा आफ्नो प्रभुत्व जनायो ।
उक्त बास्केटबल लिग २१ जनवरीमा सुरु भइ १४ हप्तासम्म चलेको थियो । प्रतियोगितामा ११ टिम भिडेका थिए ।
प्रतियोगिताको फाइनल र लिग दुवैमा ‘मोष्ट भ्यालुएवल प्लेयर’ आयुष सिंह भए ।
कार्यक्रममा नेपालका पूर्व राष्ट्रिय खेलाडीहरुलाई खेलकुदमा पुर्याएको योगदानको कदर गर्दै सम्मान गरिएको थियो । सम्मानित हुनेमा मनोज शेरचन, आयुष सिंह, विनोद श्रेष्ठ, अमिर घले र निर्मल गुरुङ थिए ।
त्यसैगरि, ह्वीलचेयर बास्केटबलमा उत्कृष्ट प्रदर्शन गर्ने ह्वीलचेयर खेलाडी दिपेश विश्वकर्मालाई विशेष सम्मान गरिएको संयोजक अंकित क्षेत्रीले जनाए ।
प्रकाशित : असार १०, २०८१ ०८:३५