खेलमा कोरोनाको प्रभाव- खेलकुद - कान्तिपुर समाचार

खेलमा कोरोनाको प्रभाव

कोरोनाका कारण विश्वभरीका महत्वपूर्ण खेलकुद प्रतियोगिता स्थगित
नमिता दाहाल

काठमाडौँ — कोरोना महामारीका कारण सार्वजनिक सभा समारोहहरु सबै बन्द छन् । कोरोना भाइरस (कोभिड–१९) खेलमा पनि उत्तिकै हाबी भइरहेको छ । संसारभरी नै खेलहरु स्थगित भइरहेका छन् । कोरोना प्रभावका कारण अहिले विश्व खेलकुद जगतमा नै ब्रेक लागेको छ ।

खेलकुदको महाकुम्भ मानिने ओलम्पिक पनि के हुने हो भन्नेमा प्रश्न उठ्न थालेको छ । जुलाईबाट हुने भनिएको खेल कोरोनाका कारण स्थगित हुन्छ या हुँदैन भन्नेमा विश्व खेल जगतको ठूलो ध्यानाकर्षण गराइरहेको छ ।

युरोकप स्थगित गर्न इटालीको प्रस्ताव

नेसनल बास्केटबल एसोसियसन (एनबीए) अमेरिकाले आफ्ना खेलकुदका सम्पूर्ण कार्यक्रमहरु अप्रिल १२ सम्मका लागि स्थगित गरेको छ । मेजर लिग सोसर(एमएलएस) अमेरिकाले पनि आफ्नो खेल तालिका पछि सारेको हो । कोरोनाको प्रकोपका कारण नेसनल हक्की लिगले पनि आफ्नो यो सिजन रोक्ने जानकारी दिएको छ । त्यस्तै फिफाले पनि हाल आफ्नो सम्पूर्ण कार्यक्रमहरुलाई पछाडि सारेको हो ।

कोरोनाको चपेटामा विश्व खेलकुद

कोरोनाका कारण इंग्ल्यान्ड र श्रीलंकाबीच हुने टेस्ट क्रिकेट पनि स्थगित भएको छ । प्रिमियर लिगसहित इंग्ल्यान्डका सम्पूर्ण फुटबल प्रतियोगिताहरु पनि स्थगित भए । पीएसजी र डर्टमन्ड बीचको खेल बन्द रंगशालामा खेलाइयो । बंगलादेशमा पनि वर्ल्ड ११ र एसिया ११ को खेल स्थगित भयो । केही खेलाडी तथा प्रशिक्षकमा कोरोना पुष्टि भइसकेको छ । उनीहरु क्वारेन्टाइनमा स्वास्थ्य लाभ गरिरहेका छन् ।

युरोपियन लिगका प्रमुख खेल स्थगित

यसरी विश्वभरी सन्त्रास मच्चाइरहेको कोरोनाको प्रभावबाट नेपाली खेलकुद पनि अछुत रहन सकेन । नेपालमा कोरोनाको संक्रमण नभए पनि यसको त्रास रहेका कारण सावधानीका लागि खेलकुदका कार्यक्रमहरु बन्द गर्ने भनिएको छ । ‘खेलकुद कार्यक्रमहरुमा भिडभाड हुने भएकाले यसमा जोखिम नलिन खेलकुद कार्यक्रमहरु बन्द गर्न लागिएको हो,’ राष्ट्रिय खेलकुद परिषद्ले विज्ञप्तिमार्फत भनेको छ ।

ला लिगा स्थगित

कोरोना आतंक नबढेको भए अहिले ईपीएल चलिरहेको हुन्थ्यो । पहिलोपटक डबल राउन्ड रोबिनमा हुन लागेको राष्ट्रिय महिला लिगको पनि चलिरहेको हुन्थ्यो ।

कोरोनाको डरमा आईपीएल

कोरोनाले सबै क्षेत्रमा असर पार्‍यो । खेलकुदको सबै विधा अहिले कोरोनाको चपेटामा छ । यसबाहेक नेपालमा यसै मार्च अन्तिम साता विश्वकप छनोट फुटबल अन्तर्गतका दुई खेल हुँदै थिए । नेपालले २६ मार्चमा चाइनिज ताइपेई र ३१ मा अस्ट्रेलियासँग खेल्ने तालिका थियो । तर यी खेल पनि फुटबलको सर्वोच्च निकाय फिफादेखि एएफसीसम्मले अहिले सम्पूर्ण छनोट खेल स्थगित गरेपछि यो खेल पनि नहुने भएको हो ।


यसवर्ष घरेलु मैदानमा ठूला प्रतियोगिता हुने भनिएको थियो । जसले गर्दा नेपाली खेलप्रेमी दर्शक पनि निकै उत्साहित देखिन्थे । तर खुसी भने कोरोनाले लग्यो । यसै सन्दर्भमा पाल्पा घर भइ हाल कलंकी बसोबास गर्ने दुर्गा कार्की भन्छन्, ‘ईपीएलमा क्रिस गेल आउँछ उसले खेलेको प्रत्यक्ष हेर्न पाइने भयो भनेर खुसी थिएँ । अब कोरोनाले इपीएल नै स्थगित भयो ।’

कोरोना प्रभाव : एभरेस्ट प्रिमियर लिग स्थगित

यस्तैमा ईपीएलका प्रबन्ध निर्देशक अमिर अख्तरले पनि ईपीएल स्थगित भएको घोषणा गर्दा निकै दुःखी देखिन्थे । प्रायः खेलहरु स्थगित भएपछि खेलाडी पनि फुर्सदिला देखिन्छ । सबै खेल स्थगित भएपछि खेलाडी तथा खेलकुद संघका सबै सदस्यहरु फुर्सदिला भएका हुन् ।


फुटबल खेलाडी भरत खवास भने हाल आर्मीको नियमित प्रशिक्षण गरिरहेका छन् । ‘कोरोनाले गर्दा सबै खेलहरु रोकिएपछि हाल फुर्सदमा नै छु । तर हाम्रो आर्मीको नियमित प्रशिक्षण भने गरि रहेको छु,’ खवासले भने ।


राष्ट्रिय क्रिकेट टोली भने भर्खरै इर्स्टन रिजन खेलेर आएको छ । ईपीएल नहुने भएपछि अहिले क्रिकेट खेलाडी पनि फुर्सदिला देखिएका छन् । तर नेपालले भने अप्रिलमा विश्वकप छनोट लिग २ को त्रिकोणत्मक सिरिज नामिबियामा खेल्दै छ ।


राष्ट्रिय पुरुष भलिबल टोलीको बंगलादेशमा हुने एभीसी सेन्ट्रल जोन पनि पछि सरेको छ । जसका कारण एक हप्ताभन्दा बढी प्रशिक्षण गराइसकेको प्रशिक्षण पनि हाल रोकिएको छ ।


नेपालमा मुख्यतः हुने खेल भनेको फुटबल र क्रिकेट नै हुन् तर अहिले भने दुवै खेलका सम्पूर्ण खेलहरु स्थगित भएका छन् । एन्फाले कोरोना संक्रमणका कारण आफ्नो जिल्ला स्तरीय संघहरुलाई पनि अब तय हुने खेलहरु नर्गन आग्रह गरेको छ ।

कोरोना प्रभाव : विश्‍वकप छनोटका खेल स्थगित

अहिले चीनपछि सबैभन्दा बढी कोरोनाको संक्रमण देखिएको इटालीमा हो । इटालीमा भने केही खेल स्थगित भएका छन् भने केही खेल खाली स्टेडियममा भइरहेका छन् ।

कोरोना प्रभाव : खाली रंगशालामा फुटबल

नेपालमा भने भर्खरै केही खेलकुद कार्यक्रमहरु सम्पन्न भएका छन् । जसमा सताक्षी गोल्डकप, राइनो गोल्डकप, बाग्मती गोल्डकप, बुढासुब्बा गोल्डकप, खप्तड गोल्डकप, माइभ्याली गोल्डकप र भर्खरै सम्पन्न भएको आहा रारा फुटबल प्रतियोगिता सम्पन्न भएका छन् ।


हाल भने नेपालमा बी डिभिजन अन्तर्गतका खेलहरु भइरहेको छ । त्यस्तै सर्लाहमिा राजर्षि जनक गोल्डकप, झापामा प्रदेश नम्बर–१ स्तरीय सुखानी सहिद स्मृती महिला फुटबल, उदयपुरमा कटारी मेयर कप जस्ता खेलहरु भने भइरहेका छन् ।


स्थगित भएका केही महत्वपूर्ण खेलहरु :

एभरेस्ट प्रिमियर लिग(इपीएल)–चैत १ देखि हुने भनिएको

तिलोत्तमा गोल्डकप–चैत १ देखि भनिएको

राष्ट्रिय महिला लिग–चैत ३ देखि हुने भनिएको

पुरुष टोलीको प्रशिक्षण– एक साताभन्दा बढी प्रशिक्षण भएको

भरतपुर गोल्डकप–चैत ६ गतेदेखि नारायणगढको क्याम्पस चौरमा हुने भनिएको

सुदुरपश्चिम राजधानी गोल्डकप–चैत २२ देखि २८ गतेसम्म कैलालीमा हुने भनिएको

सुदूरपश्चिमा गौरीगंगा गोल्डकप–चैत २९ गतेबाट हुने भनिएको

गणेशमान सिंह स्मृति बक्सिङ–गण्डकी प्रदेश ५, कर्णाली र सुदुरपश्चिमको छनोटसँगै चैत १८ देखि २२ गतेसम्म तय भएको राष्ट्रिय प्रतियोगिता


राष्ट्रिय तथा अन्तर्राष्ट्रिय स्तरमा फैलिएको कोरोना भाइरसले अझै खेलमा के कति असर पार्छ भनेर यकिन भन्न सक्ने अवस्था भने छैन । विश्व स्वस्थ्य संगठनले विश्वव्यापी स्वास्थ्य संकटकाल घोषणा गरिसकेको छ । कोरोना भाइरस एकपछि अर्को देशमा आक्रान्त रुपमा फैलिरहेको छ । भाइरसको जोखिम बढेको हुँदा नेपालले पनि सुरक्षित हुन खेलहरु स्थगित गरेको खेलकुद परिषद्ले बताएको छ ।

प्रकाशित : चैत्र ३, २०७६ १६:३६
प्रतिक्रिया
पठाउनुहोस्

रिक्त प्रदेश सभा सदस्यमा दाङका गिरी

घनश्याम गौतम

रूपन्देही — प्रदेश ५ को रिक्त प्रदेशसभा सदस्यमा दाङका शंकर गिरी निर्वाचित भएका छन् । प्रदेश सभामा विपक्षी दलका नेता बलदेव शर्मा पोखरेलको निधन भएपछि रिक्त पदमा निर्वाचन आयोगको आइतबारको बैठकले गिरीलाई निर्वाचित भएको घोषणा गरेको हो । 

समानुपातिक सूचीमा खस आर्यबाट दोस्रो नम्बरमा रहेका गिरीलाई नेपाली कांग्रेसको सिफारिसमा निर्वाचित गरिएको हो । आयोगका प्रवक्ता राजकुमार श्रेष्ठले निर्वाचित गरिएको राजपत्रमा प्रकाशित गरेपछि प्रदेश सभालाई जानकारी गराइने बताए ।

आयोगबाट निर्णय भैसकेकोले सम्बन्धित प्रदेश प्रमुखलाई जानकारी दिने कार्य भइरहेको बताए । जानकारीपछि प्रदेशसभाका सभामुख पूर्णबहादुर घर्तीले सपथ गराएपछि गिरी बैठकमा उपस्थित हुनेछन् ।

तीन कार्यकाल नेपाली कांग्रेस दाङको जिल्ला सचिव भएका उनी २०७० सालको संविधान सभाको निर्वाचनमा पनि समानुपातिक सूचीमा परेका थिए । तर, निर्वाचित हुन पाएनन् ।

दोस्रो पटक ०७४ सालमा पनि दोस्रो नम्बरमा सिफारिसमा परेका उनी प्रदेश सभा सुरु भएको २ वर्षपछि सदस्यमा निर्वाचित भएका हुन् । गिरीले दाङको अमर माविमा १० वर्ष प्रधानाध्यापकको भूमिका निर्वाह गरेका थिए । कांग्रेसमै रहेका बेला विभिन्न आन्दोलन र मोर्चामा सक्रिय थिए ।

प्रकाशित : चैत्र ३, २०७६ १६:११
पूरा पढ्नुहोस्
प्रतिक्रिया
पठाउनुहोस्
×