युरोकप स्थगित गर्न इटालीको प्रस्ताव- खेलकुद - कान्तिपुर समाचार

युरोकप स्थगित गर्न इटालीको प्रस्ताव

कान्तिपुर संवाददाता

रोम — यसै वर्षको जुन र जुलाईमा हुने भनिएको युरोकप स्थगित गर्न इटालीको फुटबल संघले आग्रह गरेको छ । कोरोना भाइरस(कोभिड–१९) को संक्रमण विश्वभरि फैलिरहँदा यो युरोकप पछि सार्न संघले आग्रह गरेको हो । 


इटालीको घरेलु लिग ‘सिरी ए’ पूरा गर्न युरोकप सार्न फुटबल संघले युरोपेली फुटबल महासंघ (यूईएफए)लाई अनुरोध गरको छ । युरोकप भने २०२० जुन १२ देखि जुलाई १२ सम्म हुने तय छ ।


इटाली युरोपी मुलुकहरुकै सबैभन्दा बढी संक्रमित मुलुक हो । जसका कारण घरेलु लिग सिरी ए अप्रिल ३ सम्मका लागि स्थगित गरिएको छ ।


इटाली फुटबल संघका अध्यक्ष ग्रेबियल ग्रेविनाले युईएफएको संगलबार बस्ने बैठकमा आफूले उक्त प्रस्ताव पेस गर्ने जनाएका छन् ।‘हामी युरोकप स्थगित गर्ने प्रस्ताव लिएर जाने छौं,’ ग्राविनाले भने । ‘क्लबहरुले सिरी ए मा ठूलो लगानी लगाएका कारण ‘सिरी ए’ को खेल सक्न कोसिस गर्ने छौं,’ उनले भने ।


इटाली फुटबल संघले यसअघि ‘सिरी ए’ नसकिए वैकल्पिक खेलहरु खेलाउने जनाएको थियो । तर ग्राविनाले पछिल्लो समय ३० जुनसम्म ‘सिरी ए’ सक्ने आशा जनाएका छन् । तर उनले यो समय लम्बिन पनि सक्ने भएका कारण तत्काल खेलाडीहरुलाई प्रशिक्षण नदिन आग्रह गरेका छन् ।

प्रकाशित : चैत्र ३, २०७६ १४:५३
प्रतिक्रिया
पठाउनुहोस्

उपत्यकाको ट्राफिक व्यवस्थापन गर्न स्कुल बसलाई ९ देखि ३ बजेको नियम 

सुदिप कैनी

काठमाडौँ — उपत्यकाको ट्राफिक व्यवस्थापन गर्न सरकारले स्कुल बसहरुलाई नयाँ नियम लगाउने तयारी गरेको छ । मन्त्रिपरिषद् बैठकले उपत्यकाको ट्राफिक व्यवस्थापन गर्ने कार्ययोजना अनुसार स्कुल बसहरु बिहान ९ बजे स्कुलभित्र छिरिसक्नुपर्ने र दिउँसो ३ बजे निस्कनुपर्ने निर्णय गरेको हो ।

यो नियम नयाँ शैक्षिक सत्रबाट लगाउने तयारी भइरहेको शिक्षा विज्ञान तथा प्रविधि मन्त्रालयको शिक्षा महाशाखाका सहसचिव कृष्णप्रसाद काप्री जानकारी दिए ।

अहिले देशभरका विद्यालयहरु १० देखि ४ बजेसम्म पठनपाठन भइरहको छन् । ट्राफिक व्यवस्थापनको नयाँ नियम बनेसँगै काठामडौं, भक्तपुर र ललितपुर जिल्लामा बस भएका विद्यालयहरुको पठनपाठन ९ देखि ३ बजे हुन सक्‍ने काप्रीले बताए ।

नयाँ नियम लागू गर्नका लागि शिक्षा मन्त्रालयले सरोकारवालाहरुसँग छलफल गरिरहेको सहसचिव काप्रीले बताए । मन्त्रालयले ट्राफिक,गृह मन्त्रालय,प्याब्सन लगायतका संस्थाका प्रतिनिधिहरुसँग छलफल गरिरहेको छ ।

प्रकाशित : चैत्र ३, २०७६ १४:४६
पूरा पढ्नुहोस्
प्रतिक्रिया
पठाउनुहोस्
×