क्षतिपूर्ति माग्दै छिन्चु-जाजरकोट सडक खण्ड अवरुद्ध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सुर्खेत — सर्पले टोक्दा मृत्यु भएका एक बालकका आफन्तले भेरी करिडोर अन्तर्गतको छिन्चु–जाजरकोट सडक खण्ड र सुर्खेत–दाङ सडक खण्ड अवरुद्ध पारेका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![क्षतिपूर्ति माग्दै छिन्चु-जाजरकोट सडक खण्ड अवरुद्ध](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/bato-banda-2752024095731-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गुर्भाकोट नगरपालिका–९ बोटेचौरका ९ वर्षीय अनमोलबहादुर चुनाराको उपचारका लागि प्रदेश राजधानी वीरेन्द्रनगर ल्याउने क्रममा शनिबार बोटोमा मृत्यु हुँदा आफन्तले सडक अवरुद्ध गरेका हुन् । सुरुमा उपचारका लागि मेहलकुना अस्पतालमा भर्ना गरेपनि अस्पतालले नसक्ने भन्दै अस्पतालले सुर्खेत रेफर गरेको थियो । बाटोमै बालकको मृत्यु भएपछि आफन्तहरुले शनिबार राति मेहलकुना अस्पताल तोडफोड समेत गरेका थिए ।
सोमबार बिहानैदेखि आफन्तहरूले उचित क्षतिपूर्तिको माग गर्दै बोटेचौर बजारमा सडक अवरुद्ध गरेर आन्दोलन गरिरहेका छन् । आन्दोलनका कारण छिन्चु–जाजरकोट–डोल्पा सडक र सुर्खेत–सल्यान–दाङ सडक अवरुद्ध भएका छन् । जिल्ला प्रहरी कार्यालयका प्रवक्ता डीएसपी वीरेन्द्रवीर विश्वकर्माका अनुसार अस्पताल प्रशासन, आफन्त र जनप्रतिनिधिबीच वार्ताको प्रयास भइरहेको बताए ।
यातायात अवरुद्ध पछि विभिन्न जिल्लाबाट रुकुम, सल्यान जाजरकोट र डोल्पा जाने सवारीसाधनहरू अलपत्र परेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)