भूकम्पका कारण घरबास गुमाएर अस्थायी टहरामा गुजारा चलाइरहेका भूकम्पपीडित मापदण्डअनुसार भूकम्प प्रतिरोधी घर निर्माण गर्न दक्ष सिकर्मी तथा डकर्मी (मिस्त्री) खोज्ने तनावमा छन् ।
जाजरकोटको खलंगास्थित जिल्ला प्रशासन कार्यालयको आँगनमा ५ वटा टेन्ट गाडिएका छन् । जहाँ एउटा त्रिपालमा प्र्रमुख जिल्ला अधिकारी ऋषिराज आचार्यको कार्यकक्ष छ भने अन्य त्रिपालबाट अरू शाखाको काम भइरहेको छ । ती टेन्ट र कागजातको सुरक्षाका लागि ५ जना प्रहरीले चौबिसै घण्टा सुरक्षा दिइरहेका छन् ।
नेकपा (एमाले) जाजरकोटको अध्यक्षमा नरेन्द्र कुमार शाही निर्वाचित भएका छन् । निवर्तमान अध्यक्ष खिमबहादुर शाहीलाई ८ मत को अन्तरले पराजित गर्दै शाही अध्यक्षमा निर्वाचित भएका हुन् ।
श्रीमती हत्या गरि फरार रहेका एक अभियुक्तलाई प्रहरी १७ वर्षपछि जाजरकोटबाट पक्राउ गरेको छ । १७ वर्षअघि वीरेन्द्रनगर नगरपालिका–१० लाटिकोइलीकी २४ वर्षीय श्रीमती गौरी विक रावतलाई हत्या गरेर फरार रहेका रामबहादुर रावतलाई प्रहरीले जिल्लाको जुनीचाँदेबाट पक्राउ गरेको हो ।
डोल्पाका सांसद धनबहादुर बुढा २०७४ मा संघीय सरकारमा पर्यटन राज्यमन्त्री भए । उनका भाइ नन्दबहादुर बुढा कर्णाली प्रदेशका पर्यटन मन्त्री थिए । संघीय पर्यटन मन्त्री भएपछि कर्णालीवासी खुसी हुनु स्वाभाविक थियो, कर्णालीको पर्यटन विकासमा पक्कै पनि मन्त्रीले चासो राख्लान् भन्ने । तर, त्यसो भएन, पर्यटन विकासको ४० करोड रकम पूरै डोल्पामा खन्याए ।
सदरमुकाम खलंगाभित्र सार्वजनिक जग्गा अतिक्रमण गरी बनाएका घरटहरा हटाउन स्थानीय प्रशासनले चासो लिएको छ । जिल्ला प्रशासन कार्यालय जाजरकोटले सूचना प्रकाशित गरी ३५ दिनभित्र अतिक्रमण भएको जग्गा खाली गर्न अल्टिमेटम दिएको हो ।
कर्णाली प्रदेशमा आगामी वैशाख १९ र २० गते विकास र लगानी सम्मेलन हुने भएको छ । यसअघि फागुन महिनाभित्रै लगानी सम्मेलन गर्ने भनिएको थियो तर संघीय सरकारले पनि आगामी वैशाख १६ र १७ मा विकास तथा लगानी सम्मेलनको आयोजना गर्ने निधो गरेपछि कर्णाली प्रदेश सरकारले पनि यिनै सहभागीलाई कर्णालीको सम्मेलनमा आउन निम्तो दिने निर्णय गरृको हो ।
भूकम्पले घर भत्किएको चार महिनामा समेत ओत बनाउन नसकेर अलपत्र पीडितहरूमध्ये चिसोका कारण मृत्यु हुनेको संख्या ३८ पुगेको छ । अधिकांशले ज्वरो, निमोनिया, दम, क्षयरोग, रक्तचापका कारण ज्यान गुमाएका हुन् । कात्तिक १७ को भूकम्पपछि त्रिपाल र टहरामा ओत लागेर बसिरहेका पीडितले गतिलो बास, उचित खानपिन तथा स्याहार पाउन सकेका छैनन् । चिसाकै कारण अधिकांश पीडित बिरामी छन् ।
