एक साताअघिसम्म १३ वर्षीया करिना थापा भाइबहिनीसँगै स्कुल जान्थिन् । घरमा बा–आमालाई सघाउँथिन् । तर, अहिले उनको दैनिकीमात्रै फेरिएको छैन, घरको सम्पूर्ण जिम्मेवारीसमेत कलिलो काँधमा आइलागेको छ ।
छिमेकी भारतले नेपाली भूभाग मिचेको विरोधस्वरुप एक हप्ते कार्यक्रम घोषणा गरेको नेत्रविक्रम चन्द समूहले बिहीबार बिहान सिलिण्डिर बम विस्फोट गराएको छ । आफ्नो पकड रहेको वस्ती सिद्धलेक-६ सिम्लेमा बिहानै सिलिण्डर बम विस्फोट गराइएको थियो ।
मुग्लिन बजार काटेलगत्तै त्रिशूली किनारका हरियाली फाँट, बाह्रै महिना बेमौसमी तरकारी र अन्नबालीले झुलेका लोभलाग्दा खेत । पृथ्वी राजमार्गको यो सौन्दर्य बिस्तारै हराउँदै छ ।
धादिङ प्रहरीले जिल्लाको बेनिघाटरोराङ-३ मलेखुबाट गाँजासहित दुई जनालाई पक्राउ गरेको छ । मलेखुबाट ताल्ती जाने कच्ची सडकमा खटिएको प्रहरी टोलीले ७ किलो ५ सय ग्राम गाँजा बरामद गरेको हो ।
जिल्लाको गजुरी गाउँपालिकाअन्तर्गत पर्ने मलेखु भण्डारा सडक खण्डको टुनीखोलामा तरकारी बोकेको जिप दुर्घटना हुँदा २२ जना घाइते भएका छन् । घाइतेमध्ये १० जनाको अवस्था जटिल रहेको प्रहरीले जनाएको छ ।
त्रिपुरासुन्दरी–बडहरेका भीमसेन ढकालले ५ वर्ष मलेसियामा काम गरेर कमाएको पैसाले मध्यपहाडी लोकमार्गमै पर्ने खहरे बजारनजिकै ८ आना जग्गा किने र घर बनाए । एक वर्ष नबित्दै उनको घरजग्गा डुबान हुने गरी बूढीगण्डकी जलविद्युत् आयोजना बन्ने टुंगो लाग्यो ।
बूढीगण्डकी जलविद्युत् आयोजनाबाट प्रभावित क्षेत्रमध्ये मुख्य बजार क्षेत्र मानिएको आरुघाट, खहरे र आर्खेतको मुआब्जा तोकिएको छैन । दुई वर्षयता धादिङतर्फ खहरे, गोरखातर्फ आर्खेत दुवै जिल्लाको सिमानामा रहेको आरुघाटको मुआब्जा तोक्न माग गर्दै स्थानीयले प्रमुख जिल्ला अधिकारी, जनप्रतिनिधि, सांसद, ऊर्जामन्त्री, प्रधानमन्त्री सबैलाई भेटिसके ।
जाडो बढेपछि साइबेरियाबाट सारस प्रजातीको ‘कर्याङकुरुङ’ नेपाल हुँदै भारत प्रवेश गरेका छन् । ‘कर्याङकुरुङ’ भारतको राजस्थानको केचन गाउँ र गुजरातको किच गाउँ सिमसार क्षेत्रमा जाडो मौसम बिताउँछ । भारत प्रवेश गर्ने क्रममा मौसम खराब भए अपरमुस्ताङ, कालीगण्डकी र भेरी करिडोरमा बास बस्ने गरेको चराविद् कृष्ण भूसाल बताउँछन् ।
राजमार्गलाई सहज बनाउन प्रहरीको अप्रेसन टोली खटिएका छन् । नौबिसे–नागढुंगा सडक खण्डमा सवारी जाम नियन्त्रण गरी सुरक्षित र सहज यात्रा बनाउन जिल्ला प्रहरीले राजमार्ग अप्रेसन टोली परिचालन गरिएको हो ।
