अत्यधिक गर्मीले गुलरियाका विद्यालय तीन दिन बिदा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
बर्दिया — अत्यधिक गर्मीले बालबालिकाको स्वास्थ्यमा प्रत्यक्ष असर पुगेको भन्दै गुलरिया नगरपालिकाले नगर भित्रका सबै विद्यालय तीन दिन बन्द गर्ने जनाएको छ । जेठ १६ देखि १८ गतेसम्म विद्यालय बन्द गरिने नगरपालिकाका शिक्षा शाखा प्रमुख सतिश यादवले बताए ।
![](https://assets-cdn.ekantipur.com/uploads/source/ads/900x100-1172024092759.gif)
![अत्यधिक गर्मीले गुलरियाका विद्यालय तीन दिन बिदा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/school-2752024122224-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गर्मी बढ्दै गएमा बिदाको समय लम्ब्याइने शिक्षा शाखा प्रमुख यादवले बताए । उनले भने, 'गर्मी बिदालाई वर्षायाममा दिँदै आएको बिदाबाट मिलान गरिने छ । वर्षायाममा हरेक वर्ष बिदा दिने गरिन्छ । जिल्लामा दिउँसोको तापक्रम ४२ डिग्रीदेखि ४३ डिग्रीसम्म पुग्ने गरेको छ । जस्ता पाता र पक्की छत तातिने गर्दा विद्यार्थीलाई पढने वातावरण नभएको शिक्षकहरू बताउँछन । विद्यालय गर्मीले बालबालिका निकै प्रभावित भएको चिकित्सकले बताए ।
जिल्ला अस्पताल बर्दियाका बाल विशेषज्ञ डाक्टर विश्वनाथ शाहले उपचारका लागि आउने मध्ये ६० प्रतिशत बालबालिका टाउको दुःख्ने,ज्वरो आउने,झाडा पखालाका बिरामी आउने गरेको बताए । अस्पतालमा बिरामीको चाप बढेको छ,' उनले भने, 'हाल बहिरंग सेवामा दैनिक ३ सयदेखि ३ सय ४० जना बिरामी आउने गरेका छन् ।,अत्याधिक गर्मीले दिउँसो सडक सुनसान जस्तो छ । बिहान ८ बजेदेखि बेलुकी ६ बजेसम्म तातो हावा र उम्सोले जनजीवन प्रभावित भएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)