गर्मीका कारण हेटौंडामा २ दिन विद्यालय बन्द

उपमहानगरपालिकाले बुधबार सूचना जारी गर्दै बिहीबार र शुक्रबार विद्यालय बन्द गर्ने निर्णय गरिएको जनाएको छ । ‘अत्यधिक गर्मीका कारण विद्यार्थी बिरामी परेको तथा पठनपाठनमा असहजता भएकाले केही समय विद्यालय बन्द गर्न जनप्रतिनिधि, विद्यालय तथा अभिभावकबाट अनुरोध आएकाले वर्षे बिदाबाट कट्टी हुनेगरी विद्यालय बन्द रहने व्यहोरा अनुरोध छ’, सूचनामा भनिएको छ ।