रौतहटमा लागूऔषधसहित दुई जना भारतीय पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रौतहट — रौतहटको चन्द्रनिगाहपुर–गौर खण्डस्थित स्व.शेख इद्रीश गेटबाट मंगलवार राति ठूलो परिमाणमा प्रतिबन्धित लागूऔषधसहित दुई भारतीयलाई सशस्त्र प्रहरीले पक्राउ गरेका छन् । उनीहरूले उक्त समान कहाँ बिक्री गर्न लैजान लागेको भन्ने खुलेको छैन ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![रौतहटमा लागूऔषधसहित दुई जना भारतीय पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/lagu-aushad-pakrau-0372024055150-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
राति करिब ९ बजे राजपुर नगरपालिका–१ स्थित स्व.शेख इद्रीश गेटअगाडि सशस्त्र प्रहरीले ना १ ज ७१०९ नम्बरको सार्वजनिक भाडाको सवारीलाई चेक गर्ने क्रममा सिटमुनि लुकाएर ल्याउँदै गरेको लागूऔषधसहित भारतीय युवकलाई पक्राउ गरेको सशस्त्र प्रहरी बल नेपाल नम्वर ११ गण हजमिनियाले जनाएको छ ।
सशस्त्र प्रहरी गणका अनुसार लागूऔषध बुपरेनोरफिन इन्जेक्सन आईपी २ एमएलको २९९ पिस, प्रोमेथ्रोजिन हाइड्रोसाइड इन्जेक्सन २ एमएल को २९९ पिस र डाइजेपाम इन्जेक्सन आइपी २ एमएलका ३०० गरी ८९८ पिस बरामद भएको हो ।
लागूऔषधसहित सशस्त्रले भारत विहार सीतामढी जिल्ला बखरी गाउँ–३ का अमित कुमार र रौशन कुमारलाई पक्राउ गरेको जनाएको छ । सशस्त्र प्रहरीले पक्राउ परेको भारतीय र बरामद समानको आवश्यक अनुसन्धान, कारबाहीका लागि बुधबार जिल्ला प्रहरी गौरलाई जिम्मा लगाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)