रौतहटमा लागूऔषधसहित दुई जना भारतीय पक्राउ 

राति करिब ९ बजे राजपुर नगरपालिका–१ स्थित स्व.शेख इद्रीश गेटअगाडि सशस्त्र प्रहरीले ना १ ज ७१०९ नम्बरको सार्वजनिक भाडाको सवारीलाई चेक गर्ने क्रममा सिटमुनि लुकाएर ल्याउँदै गरेको लागूऔषधसहित भारतीय युवकलाई पक्राउ गरेको सशस्त्र प्रहरी बल नेपाल नम्वर ११ गण हजमिनियाले जनाएको छ ।

सशस्त्र प्रहरी गणका अनुसार लागूऔषध बुपरेनोरफिन इन्जेक्सन आईपी २ एमएलको २९९ पिस, प्रोमेथ्रोजिन हाइड्रोसाइड इन्जेक्सन २ एमएल को २९९ पिस र डाइजेपाम इन्जेक्सन आइपी २ एमएलका ३०० गरी ८९८ पिस बरामद भएको हो ।

लागूऔषधसहित सशस्त्रले भारत विहार सीतामढी जिल्ला बखरी गाउँ–३ का अमित कुमार र रौशन कुमारलाई पक्राउ गरेको जनाएको छ । सशस्त्र प्रहरीले पक्राउ परेको भारतीय र बरामद समानको आवश्यक अनुसन्धान, कारबाहीका लागि बुधबार जिल्ला प्रहरी गौरलाई जिम्मा लगाएको छ ।