![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — ललितपुर प्रहरीले शंकास्पद करोबारमा संलग्न रहेको आशंकामा तीन भारतीयसहित पाँच जनालाई पक्राउ गरेको छ । उनीहरूको साथबाट ५० लाख नगद र सुन गाल्ने मेसिन समेत बरामद गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सुन गाल्ने मेसिन र ५० लाख नगदसहित ५ जना पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/gold-0572024100934-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
बिहीबार दिउँसो ३ बजे ललितपुर महानगरपालिका-१४ मा रहेको एक निर्माणाधीन घरको तेस्रो तलामा अवैध शंकास्पद कारोबार भइरहेको भन्ने सूचनाको आधारमा प्रहरी वृत्त सातदोबाटोबाट खटिएको प्रहरीले पक्राउ गरेको हो ।
पक्राउ परेकामा तीन भारतीय नागरिकमा महाराष्ट्र प्रदेश, साङ्ले जिल्ला, आडवारी थाना घर भइ ललितपुर महानगरपालिका वडा नं १४ ताल्छिखेल बस्ने वर्ष २८का युवराज विभुते, वर्ष २० का विक्रम यलवर र वर्ष १८ का अभिषेख विभुते छन् । त्यस्तै भक्तपुर सूर्यविनायक- १ विरुवा बस्ने वर्ष २० का सिध्दान्त चौलागाई र ललितपुर महालक्ष्मी८ बस्ने वर्ष २० का यसवन्त सुनार पनि पक्राउ परेका छन् ।
भारतीय नागरिक युवराज विभुतेले भाडामा लिएको फ्ल्याटमा खानतलासी पाँच जना पक्राउ र नगदसहितका सामान बरामद भएका हुन् । उनीहरूमाथि थप अनुसन्धान तथा कारबाहीको लागि राजस्व अनुसन्धान विभाग हरिहर भवन ललितपुरमा पठाइएको प्रहरीले जनाएको छ ।
उनीहरूको साथबाट बरामद सामानहरू
१. सुन जस्तो देखिने पहेलो धातु १६९.९७० ग्राम
२. चाँदी जस्तो देखिने धातु २४७.२५० ग्राम
३. डिजिटल तराजु- १
४. विभिन्न कम्पनीका मोबाइल- ७
५. हार्ड डिस्क- १
६. सिमकार्ड, चेकबुक , तथा बैंकमा नगद जम्मा गरेको भौचर
७. नेपाली रुपैयाँ ५०,०४,७३० ( पचासलाख चार हजार सातसय तीस रुपैयाँ)
८. सुन पगाल्ने मेसिन-१
![](https://assets-cdn.ekantipur.com/uploads/source/ads/900-x-100-0172024023126.gif)