प्रदेशमा संघीयता आएन : मुख्यमन्त्री महरा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
देउखुरी (दाङ) — लुम्बिनी प्रदेशका मुख्यमन्त्री जोखबहादुर महराले प्रदेशका संघीयता आउन नसकेको बताए । केन्द्रीय सरकार परिवर्तन हुँदा यसको हलचल प्रदेशमा पनि पर्दा संघीयता संस्थागत गर्न राजनीतिक दलले नसकेको उनले बताए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![प्रदेशमा संघीयता आएन : मुख्यमन्त्री महरा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/4491530494808181212041801580376500189245864n-0472024053143-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
बिहीबार राति एमालेका पाँच मन्त्रीको राजीनामा बुझ्दै मुख्यमन्त्री महराले भने, 'ठूलो पार्टीमा संघीयता लागू नहुँदा केन्द्रमा देखिने समस्याले प्रदेशमा असर पुर्यायो । संघीयतामा प्रदेशमा स्वविवेकी अधिकार र प्रदेश सरकार गठनको जिम्मेवारी प्रदेशलाई नै बनाउनुपर्छ ।'
हरेक प्रदेशले आफ्नो स्वविवेकीय अधिकार आफैं प्रयोग गरेर समृद्ध प्रदेश निर्माणका लागि राजनीतिक नेतृत्वले पाटीभित्र संघर्ष गर्नुपर्ने उनले बताए । उनले छोटो अवधिमा आर्थिक वर्षको बजेट ल्याउन सफल भएको बताए । 'चालु आर्थिक वर्षको अन्त्यसम्म काम गरेर दायित्व पूरा गर्ने र आगामी आर्थिक वर्षका लागि हामीले ल्याएको नीति तथा कार्यक्रम र बजेट कार्यान्वयनका लागि कार्यविधि बनाएर काम गर्न केन्द्रमा भएको राजनीति फेरबदलले सम्भव भएन,' उनले भने । उनले आफ्नो नेतृत्वको सरकारलाई सफल बनाउन अंग्रपक्तिमा खटिने एमालेका पाँच जना मन्त्रीलाई धन्यवाद दिए ।
![](https://assets-cdn.ekantipur.com/uploads/source/ads/900-x-100-0172024023126.gif)