पोखरा — नौ वर्षीया बालिकालाई यौन दुरूपयोग गरेको ठहर भइ फरार रहेका ६५ वर्षीय पक्राउ परेका छन् । वडा प्रहरी कार्यालय वालिङबाट खटिएको प्रहरीको टोलीले वालिङ नगरपालिका–११ भकभकाका भीमबहादुर पौडेललाई पक्राउ गरी कैद सजाय भुक्तानको लागि जिल्ला कारागार चलान गरिएको छ ।
जिल्ला अदालत स्याङ्जाले २०७९ चैत २० गतेको फैसलामा पौडेललाई ६ महिना १७ दिन कैद सजाय तोकिएको थियो । उनलाई प्रहरीले बिहीबार आफ्नै घरबाट पक्राउ गरी जिल्ला अदालत बुझाएको जिल्ला प्रहरी प्रवक्ता इन्द्र रानाले बताए ।