२३.१२°C काठमाडौं
काठमाडौँ — पोर्चुगलले युरो २०२४ मा सोमबार स्लोभेनियालाई नाटकीय रूपमा टाइब्रेकरमा पराजित गर्दै क्वार्टरफाइनल याक्रा तय गरेको छ । निर्धारित र अतिरिक्त समयको खेल गोलरहित बराबरीमा टुंगेपछि खेल पेनाल्टी सुटआउटमा पुगेको थियो । त्यसमा पोर्चुगल ३–० ले विजयी रह्यो ।
क्रिस्टियानो रोनाल्डोले अतिरित्त समयमा पेनाल्टीबाट गोल गर्न चुकेका थिए । तर टाइब्रेकरमा भने उनी गोल गर्न सफल रहे ।
पोर्चुगलको यस जितका नायक गोलरक्षक डिएगो कोस्टा रहे । उनले तीनै पेनाल्टी गोल हुन दिएनन् र पोर्चुगलका लागि बर्नार्डो सिल्भाले निर्णायक गोल गरे । अब शुक्रबार हुने अन्तिम आठको खेलमा पोर्चुगलले फ्रान्सको सामना गर्नेछ ।
प्रकाशित : असार १८, २०८१ ०६:४२प्रतिक्रिया
