राष्ट्रिय उसु प्रतियोगिता सुरु
काठमाडौँ — एपीएफका मिलन राई, कोशी प्रदेशका पूर्ण राई, पुलिसका धनबहादुर तामाङ र वाग्मती प्रदेशका चन्द्र सुनुवार १६ औं राष्ट्रिय उसु प्रतियोगिताको ४८ केजी तौल समूहमा बुधबार सेमिफाइनल पुगेका छन् ।
त्रिपुरेश्वरस्थित राखेप कभर्डहलमा भइरहेको प्रतियोगिताको पुरुष ५२ केजीमा कोशीका जनम तामाङ, वाग्मतीका नीरज लामा, आर्मीका जनक धामी र एपीएफका अशोक खालिङले सेमिफाइनल तय गरे ।
नेपाल उसु महासंघको आयोजनामा प्रतियोगिताको राखेपका सदस्य–सचिव टंकलाल घिसिङले उद्घाटन गरे । तीनदिने प्रतियोगितामा ५ प्रदेश र ३ विभागीय गरी ८ टोलीका १ सय खेलाडीको सहभागिता रहेको महासंघका सचिव नवीन बस्नेतले जनाए ।
प्रकाशित : असार १९, २०८१ २१:५९प्रतिक्रिया