राष्ट्रिय उसु प्रतियोगिता सुरु

त्रिपुरेश्वरस्थित राखेप कभर्डहलमा भइरहेको प्रतियोगिताको पुरुष ५२ केजीमा कोशीका जनम तामाङ, वाग्मतीका नीरज लामा, आर्मीका जनक धामी र एपीएफका अशोक खालिङले सेमिफाइनल तय गरे ।

नेपाल उसु महासंघको आयोजनामा प्रतियोगिताको राखेपका सदस्य–सचिव टंकलाल घिसिङले उद्घाटन गरे । तीनदिने प्रतियोगितामा ५ प्रदेश र ३ विभागीय गरी ८ टोलीका १ सय खेलाडीको सहभागिता रहेको महासंघका सचिव नवीन बस्नेतले जनाए ।