आर्मी च्याम्पियन, भूपेन्द्र र रमिशा उत्कृष्ट बक्सर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — त्रिभुवन आर्मी क्लब शुक्रबार चौथो प्रकाश दाहाल स्मृति राष्ट्रिय खुला बक्सिङ प्रतियोगितामा टिम च्याम्पियन भएको छ । आर्मीले १५ स्वर्ण, ४ रजत र १ कांस्य पदक जितेको थियो ।
![आर्मी च्याम्पियन, भूपेन्द्र र रमिशा उत्कृष्ट बक्सर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/bozing-0572024063625-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेपाल बक्सिङ महासंघ र प्रकाश दाहाल प्रतिष्ठानको संयुक्त आयोजनामा भएको प्रतियोगितामा एपीएफ ३ स्वर्ण, २ रजत र ५ कांस्यसाथ दोस्रो भयो । तेस्रो स्थानको नेपाल पुलिस क्लबले २ स्वर्ण, २ रजत र १ कांस्यसहित तेस्रो स्थान हात पारेको हो ।
त्रिपुरेश्वरस्थित राखेप कभर्डहलमा भएको प्रतियोगिताको पुरुषमा पुलिसकी भूपेन्द्र थापा र महिलामा आरडीएसकी रमिशा श्रेष्ठ उत्कृष्ट बक्सर घोषित भएका थिए । भूपेन्द्रले मोटरसाइकल रु रमिशाले स्कुटर पुरस्कार पाए ।
विजेतालाई अर्थ मन्त्री वर्षमान पुन, पूर्वमन्त्री विना थापामगर, पूर्वमन्त्री दलजीत सिर्पाली, राखेपका सदस्य–सचिव टंकलाल घिसिङ, नेपाल बक्सिङ महासंघका अध्यक्ष राम अवालेलगायतले पुरस्कृत गरे ।
पाँचदिने प्रतियोगितामा तीन विभागीय टोलीसहित जिल्ला, क्लबका गरी ३१ टिमका १ सय ७५ खेलाडीको भाग लिएको महासंघका महासचिव मानबहादुर भण्डारीले जनाएका छन् ।
पुरुषमा १३ र महिलामा १० गरी २३ स्पर्धामा प्रतिस्पर्धा भएको थियो । हरेक स्पर्धामा शीर्ष तीन स्थान हात पार्नेले क्रमशः ४० हजार, २० हजार र १० हजार रुपैयाँ पुरस्कार प्राप्त गरे ।
![](https://assets-cdn.ekantipur.com/uploads/source/ads/900-x-100-0172024023126.gif)