सरकारबाट बाहिरिन पार्टीको निर्णय पर्खिरहेका छौं : कर्णालीका अर्थमन्त्री केसी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
रूकुम पश्चिम — कर्णाली प्रदेशका आर्थिक मामिला तथा योजनामन्त्री महेन्द्र केसीले आफ्नो पार्टी सरकारबाट बाहिरिनका लागि पार्टी केन्द्रको निर्णय पर्खेर बसेको बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सरकारबाट बाहिरिन पार्टीको निर्णय पर्खिरहेका छौं : कर्णालीका अर्थमन्त्री केसी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/politics/image123650291-1772024123429-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बुधबार रूकुम पश्चिममा नेपाल पत्रकार महासंघ रूकुम (पश्चिम)ले आयोजना गरेको पत्रकार सम्मेलनमा उनले केन्द्रमा पार्टीहरूको गठबन्धन परिवर्तन भएकाले अब यसको असर प्रदेशमा पनि पर्ने भन्दै यसो भनेका हुन् ।
नेपालमा राजनीतिक परिवेशले सरकारको नेतृत्व गर्नुपर्नेमा सरकार परिवर्तनले राजनीतिक परिवर्तनको नेतृत्व गर्नुपरेको द:खद् अवस्था रहेको बताए । 'प्रदेशहरू स्वायत्त हुनै सकेनन् । केन्द्रमा राजनीतिक उथलपुथल हुनेबित्तिकै यसको असर प्रदेशमा पर्छ । यसको सिकार हामी भएका छौं,' उनले भने ।
साथै मन्त्री केसीले आफ्नो नेतृत्वमा ल्याएको यो वर्षको बजेटको सफल कार्यान्वयन जरूरी रहेको कुरामा जोड दिए । र, यो बर्खायाममा प्राकृतिक विपत्तिबाट हुनसक्ने क्षति न्युनिकरण गर्न प्रदेश सरकार गम्भीर भएको भन्दै यसतर्फ सरोकारवाला सबै सचेत हुनुपर्ने उनले बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)