मेसिनबाट डढेलो नियन्त्रण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
कपिलवस्तु — मेसिन प्रयोग गरेर यहाँ डढेलो नियन्त्रण सुरु गरिएको छ । तौलिहवा–गोरुसिंगे सडक खण्ड अन्तर्गत तिलौराकोट साझेदारी वन ब्यवस्थापन समुहको पूर्वी खण्ड ढेकहरीमा डढेलो लगाएर डेमो देखाइएको थियो । अत्याधुनिक एयर ब्लोर मेसिन प्रयोग गरेर क्षणभरमै डढेलो नियन्त्रण गरिएको प्रर्दशन गरिएको थियो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![मेसिनबाट डढेलो नियन्त्रण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/dadhalo-niyantran1-0342024124304-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
साझेदारी वन विशेषज्ञ विजयराज सुबेदीले मेसिन कसरी नियन्त्रण गर्ने भन्ने विषयमा जानकारी दिएका थिए । त्यस्तै उनले डढेलो नियन्त्रण गरेर देखाएका थिए । नेपालमै पहिलो प्रयोग हो उनले भने यस अघिदेखि चलनचल्तीमा रहेको डढेलो नियन्त्रणका लागि अग्नी दस्ता परिचालनको सुरुवातपनि तिलौराकोट साझेदारी वनबाट सुरु भएको थियो ।
मेसिनबाट निस्कने तिब्रगतिको हावाको प्रेसरले आगो लागेका पातसंग जोडिएका अन्य पातको सम्पर्क बिच्छेद गर्छ । एकठाउ पातपतिङरमा लागेको आगोको सम्पर्क अन्यत्र जान दिदैन । यस्ले आगो फैलन नपाई नियन्त्रणमा आउने तिलौराकोट साझेदारी वन ब्यवस्थापन समुह अध्यक्ष जयप्रकाश पाण्डेले बताए ।
‘अहिले एउटा मेसिन ल्याएर उपयोग गरिरहेका छौं,’ उनले भने, ‘यसको प्रभावकारितासंगै थपेर लैजान्छौं ।’ अन्य साझेदारी र सेक्टर वन कार्यालयले पनि यस्को उपयोगितासंग प्रयोग गर्ने बताएका छन् । १० किलो तौल हुने मेसिनको मुल्य करिब डेढ लाख पर्ने बताईएकोछ । एक लिटर पेट्रोलले एक घण्टासम्म मेसिन चल्छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)