बुटवलमा एक लाख राशीको लोक नृत्य प्रतियोगिता

समाजको सांस्कृतिक सम्पत्तिकोरुपमा रहेका लोक संस्कृतिलाई जगेर्ना गर्न र अहिलेका पिंढीलाई लोक संस्कृतिको जानकारी दिन लोकनृत्य प्रतियोगिता गर्न लागिएको उपमहानगरपालिका-१३ का अध्यक्ष नारायण पुनले बताए ।

उनका अनुसार प्रतियोगितामा एउटा विद्यालयबाट एक समुहले मात्र भाग लिन पाउनेछन् । उपमहानगर भित्रका ४४ विद्यालयले सहभागिता जनाउँदैछन् ।

प्रतियोगितामा विजेताले १ लाख रुपैयाँ नगद पुरस्कार पाउने वडाध्यक्ष पुनले जानकारी दिए । त्यस्तै, द्वितीय हुनेले ६० हजार र तृतीय हुनेले २५ हजार रुपैयाँ पाउनेछन् ।