रूपन्देहीको तिलोत्तमा नगरपालिकाले सडक योजनालाई तीन श्रेणीमा विभाजन गरेर निर्माण कार्यलाई अगाडि बढाएको छ । यसबाट दिगो र बढी प्रतिफल दिने योजनाले प्राथमिकता पाउने नगरपालिकाको दाबी छ । सर्वसाधारणले अहिलेसम्म नगरपालिकाले बुटवल–बेलहिया ६ लेन सडक सिंगार्न मात्र ध्यान दिएको आरोप लगाउन थालेपछि त्यस्तो भ्रम चिर्न अन्य सडक योजनालाई प्राथमिकिता दिने जनाएको हो ।
आँगनदेखि सडकसम्मै जलेका सामग्री छरपस्ट छन् । खाना पकाउने ग्यास, भाँडाबर्तन, लत्ताकपडा सबै जलेका छन् । ड्रमभरि राखेको चामल र भर्खर स्याहारेर बोरामा थन्काइएको गहुँ पनि जलेको छ ।
रुपन्देहीको तिलोत्तमामा सामुदायिक वनमा लागेको डढेलो निभाउन गएको दमकलमा आगलागी भएको छ । बुधबार दिउँसो तिलोत्तमा नगरपालिका-८ स्थित करैया सामुदायिक वनमा लागेको डढेलो निभाउन गएको नगरपालिकाको दमकलमा आगलागी भएको हो ।
बुटवल उपमहानगरपालिकामा मुख्य चार भाषामा नागरिक बडापत्रको व्यवस्था गरिएको छ । विभिन्न भाषाभाषीका सेवाग्राही कार्यालयमा आउने भएकाले उनीहरुको सहजताका लागि उपमहानगरपालिकाले मंगलबारदेखि सञ्चालन हुनेगरी नेपालीसहित, थारु, मगर र नेपाल (नेवारी) भाषामा बडापत्र सार्वजनिक गरेको उपमहानगर प्रमुख खेलराज पाण्डेयले बताए ।
सिद्धार्थनगर–३ रूपन्देहीका रमेश कुर्मी भर्खर १८ वर्षका भए । क्रिकेटप्रति निकै लगाव भएका कुर्मी अधिकांश समय क्रिकेट अभ्यासमा बिताउन चाहन्छन् । उनको खेल कौशल हेर्दा पनि पहिलो प्राथमिकता क्रिकेट नै भएको प्रस्ट हुन्छ । तर, उनको बाध्यता भने फरक छ । जब उनी क्रिकेट खेल्न जान्छन्, तब उनको परिवारका सदस्य भोकै बस्नुपर्ने अवस्था छ ।
सशस्त्र प्रहरीले रुपन्देहीको भैरहवाबाट ५० लाख मूल्यभन्दा बढीको अवैध सामान बरामद गरेको छ । सशस्त्र प्रहरी बल सीमा अनुगमन टोलीले आइतबार राति उक्त अवैध सामान बरामद गरेको हो ।
गहुँको नल जलाउन लगाएको आगो हावाहुरीका कारण बस्तीमा पस्दा शनिबार रूपन्देहीको रोहिणी गाउँपालिका–४, ५ र ६ का ५० घरमा क्षति पुगेको छ । स्थानीयको बस्तुभाउ, अन्न, लत्ताकपडा र अन्य सामान जलेर नष्ट भएका छन् । प्रहरी, सशस्त्र प्रहरी, सेना र स्थानीयको सहायतामा आगो नियन्त्रणमा लिइएको थियो ।
रुपन्देहीमा १५ केजी २३० ग्राम (१५ पोका) अवैध लागूऔषध (गाँजा) बरामद भएको छ । सशस्त्र प्रहरी बल नेपाल प्रस्तावित सीमा सुरक्षा गुल्म डण्डा रुपन्देहीको मोबाइल गस्ती टोलीले सिद्धार्थनगर नगरपालिका १ स्थित नौडिहवाबाट गाँजा बरामद गरेको हो ।
रुपन्देहीको बुटवलबाट सशस्त्र प्रहरीले बिलबिजक नभएको सामानसहित गाडी बरामद गरेको छ । सशस्त्र प्रहरी बल, नेपाल सुरक्षा बेस बुटवल, रुपन्देहीबाट सशस्त्र प्रहरी नायव उपरीक्षक (डीएसपी) शशीराम भारतीको कमाण्डमा खटिएको गाडी मोबाइल टोलीले सामानसहित गाडी बरामद गरेको हो ।
रुपन्देहीको तिलोत्तमा नगरपालिकाअन्तर्गत बुटवल–बेलहिया व्यापारिकमार्ग यतिबेला मनमोहक छ । उक्त मार्गको मणिग्राम योगीकुटीको बीच सडकमा फुलेका फूलले उक्त सडकमा यात्रामा निस्कने सबैलाई मन आनन्दित बनाएको छ । पालिकाको १३ किलोमिटर सडक खण्डमा २ हजार ५ सय बढी फूल रोपिएको हरियाली प्रवर्द्धन अधिकृत गोरखनाथ खनालले बताए । ती फूलमध्ये बेगमबेली र अन्य विभिन्न रङमा फूल फुलेपछि दृश्य हेर्नलायक बनेको हो ।
