गृहमन्त्री बालकृष्ण खाँणले राजनीतिक जीवनमा त्याग गर्न पनि सिक्नुपर्ने बताएका छन् । रुपन्देहीको सिद्धार्थनगर नगरपालिका–१२ स्थित शान्ति बुद्ध गुम्बाको छात्रवास भवनको शनिबार उद्घाटन गर्दै गृहमन्त्री खाँणले आगामी मंसिरमा हुने निर्वाचनका लागि उम्मेदवार हुन तीव्र प्रतिस्पर्धा भइरहेकाले राजनीति गर्नेहरुले त्याग गर्न सिक्नुपर्ने बताएका हुन् ।
नवौं राष्ट्रिय खेलकुद २०७९ लुम्बिनी प्रदेशस्तरीय छनौट प्रतियोगिताअन्तर्गत मार्सलआर्टको विधा आईटीएफ तेक्वान्दोमा नवलपरासी जिल्लाले उपाधि चुमेको छ । ८ स्वर्ण, २ रजत र २ कास्यसहित १२ पदक जित्दै नवलपरासी जिल्ला टिम च्याम्पियन बनेको हो ।
दुई साताअघि दाङको राप्ती स्वास्थ्य विज्ञान प्रतिष्ठानमा एक महिलाको मृत्यु भयो । घोराही–१४ की ४० वर्षीया उनको अस्पताल पुर्याएको २ घण्टाभित्रैमा मृत्यु भएको थियो । उच्च ज्वरो, श्वासप्रश्वासमा समस्या भएपछि उनलाई परिवारले अस्पताल पुर्याएका थिए । अस्पताल पुर्याउँदा नै कम रक्तचाप र अक्सिजन अभावले छटपटिएकी उनको उपचारका क्रममा डेंगी पोजिटिभ देखिएको हो ।
रुपन्देहीमा हत्या घटनाका फरार प्रतिवादीलाई प्रहरीले घटनाको २१ वर्षपछि पक्राउ गरेको छ । २०५८ साल साउनको २१ गते राति २ बजे रुपन्देहीको विष्णुपुरामा पसल गरी बस्ने खडकबहादुर श्रेष्ठलाई कुटपिट गरी हत्या गरेको ठहर भई हालसम्म फरार रहेका गौडहवा गाउँपालिका– ५ का ५७ वर्षीय रामपति अहिर यादव पक्राउ परेका हुन् ।
रूपन्देहीको तिलोत्तमा नगरपालिका–१२ का किसान कृष्णप्रसाद पौडेलले गत वर्ष १० बिघा खेतमा रोपाइँ गरे । तर, पानीले ३ बिघाको धान नष्ट भयो । उनलाई नगरपालिकाले वडाको सिफारिस र अनुगमनपछि राहत रकम दिएको छ । अढाई बिघाको क्षतिपूर्ति दाबी गरेर पहिलो किस्ताको राहत रकम बुझेको उनले बताए ।
तिलोत्तमा नगरपालिकामा बेमैसमी वर्षाले धानबालीमा क्षति पुगेका किसानलाई क्षतिपूर्ति वितरण गरिएको छ । गत वर्ष धान भित्राउने बेलामा आएको बेमैसमी वर्षाका कारण धान बालीमा क्षति पुगेका नगरभित्रका २ सय ७० किसानले मंगलबार क्षतिपूर्ति रकम पाएका छन् ।
