गण्डकी प्रदेशसभा बैठकमा प्रवेश गर्न दिइएन : सांसद देवकोटा

'अदालतले आदेश दिएकाले म प्रदेश सभामा आएको हुँ । के कारणले रोकिएको हो थाहा भएन । म अहिले बाहिर छु,´ उनले भने । गण्डकी प्रदेशसभा सचिवालयका सूचना अधिकारी प्रेम सुवेदीले भने यस विषयमा आफूलाई जानकारी नभएको बताए । इकान्तिपुरसँग संक्षिप्त प्रतिक्रिया दिँदै उनले भने, 'यस विषयमा माननीय सभामुखज्युलाई नै सोध्नुहोला ।'

सभामुख कृष्णप्रसद धितालका स्वकीय सचिव सुवास अम्गाईंले भने सचिवालयमा सर्वोच्चको पत्र प्राप्त नभएर त्यसो भएको हुन सक्ने बताए । आफू काठमाडौंमा रहेकाले यसबारेमा विस्तृत जानकारी नरहेको पनि उनले बताए । उपसभामुख विनाकुमारी थापाले बैठकमा आफू अलि ढिला गएकाले यस विषयमा जानकारी नभएको बताइन् ।