रिकन्डिसन अटो व्यवसायी संघको कर्णाली प्रदेश समिति गठन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रुकुम पश्चिम — नेपाल रिकन्डिसन अटो व्यवसायी संघको कर्णाली प्रदेश कार्यसमिति गठन गरिएको छ । सुर्खेतको वीरेन्द्रनगरमा शनिबार आयोजित प्रदेशस्तरीय भेलाबाट प्रकाशकुमार शाहीको संयोजकत्वमा ७ सदस्यीय समिति सर्वसम्मत चयन गरिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![रिकन्डिसन अटो व्यवसायी संघको कर्णाली प्रदेश समिति गठन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/auto-recondition-karnali-commetee-0810315-rkm-west-2-2962024032117-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
केन्द्रीय उपाध्यक्ष प्रवीण लामिछाने र सहकोषध्यक्ष रोजेन्द्रमान श्रेष्ठ र गण्डकी प्रदेश अध्यक्ष महेश रावलको विशेष उपस्थितिमा गठन गरिएको कर्णाली प्रदेश समितिको सहसंयोजकमा शंकर भण्डारी, सचिवमा ओम खड्का, कोषाध्यक्षमा तीर्थ बोगटी छन् ।
सदस्यहरुमा ईन्द्र थापा तथा रिजुवान शाही रहेको गण्डकी प्रदेश अध्यक्ष रावलले बताए । १ जना पछि थपिनेछ । साथै उपेन्द्र शाही र दिपेन्द्रकुमार खड्कालाई सल्लाहकारका रुपमा चयन गरिएको छ ।
अटो रिकन्डिसन व्यवसायलाई सुरक्षित, व्यवस्थित र प्रभावकारी बनाउने लक्ष्यका साथ गठन गरिएको यो संघको धनगढीमा आयोजित भेलाबाट सुदूरपश्चिम प्रदेश समिति पनि आजै गठन गरिएको छ । हरि रावतको संयोजकत्वमा ७ सदस्यीय सुदूरपश्चिम प्रदेश समिति गठन गरिएको हो ।
प्रकाशित : असार १५, २०८१ १९:०७