सुर्खेतमा मानवअधिकार उल्लंघनका १३१ घटना
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुर्खेत — सुर्खेतमा पछिल्ला ६ महिनामा मानवअधिकार उल्लंघन तथा ज्यादतिका १ सय ३१ वटा घटना भएका छन् । अनौपचारिक क्षेत्र सेवा केन्द्र इन्सेकले सोमबार सार्वजनिक गरेको तथ्यांकअनुसार जिल्लामा मानवअधिकार उल्लंघन तथा ज्यादतिका १ सय ३१ वटा घटना भएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सुर्खेतमा मानवअधिकार उल्लंघनका १३१ घटना](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/img8256-0172024042729-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सोमबार वीरेन्द्रनगरमा आयोजित अर्धवार्षिक समीक्षा कार्यक्रममा इन्सेकले सुर्खेतले माघ महिनादेखि असारसम्मका १ सय ३१ वटा मानवअधिकार उल्लंघनका घटना भएको तथ्यांक सार्वजनिक गरेको हो ।
इन्सेकले सार्वजनिक गरेको प्रतिवेदनमा घरेलु हिंसाको घटना धेरै भएको बताइएको छ । राज्य पक्षबाट दुई वटा र अन्यबाट १ सय २९ वटा घटना भएको इन्सेक कर्णाली प्रदेश संयोजक नारायण सुवेदीले बताए ।
उनका अनुसार घरेलु हिंसा ८३, बलात्कार २३, बहुविवाह, ३, महिला अधिकारकार ८, जातीय विभेद २ लगायका घटना घटेका छन्। मानव अधिकारका घटना न्युनीकरण गर्न स्थानीय तहको पनि सक्रियता आवश्यक रहेको प्रमुख जिल्ला अधिकारी शंकरहरि आचार्यले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)