बाढी प्रभावित क्षेत्रमा सेनाद्वारा सुरक्षित घर निर्माण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
दोधारा, कञ्चनपुर — नेपाली सेनाले कञ्चनपुरको दोधारा चाँदनी नगरपालिका-१० कुतियाकभरमा महाकाली नदीको बहाव बढेर बाढी बस्तीमा पसेको अवस्थामा स्थानीयवासीलाई सुरक्षित राख्न सुरक्षित घर (सेफ हाउस) निर्माण गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बाढी प्रभावित क्षेत्रमा सेनाद्वारा सुरक्षित घर निर्माण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/44933416415197786386156505208199884539741932n-0172024052047-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सोमबार कुतियाकभरमा एक कार्यक्रमका बीच सेनाको सुदूरपश्चिम पृतनाका पृतनापति उपरथी गणेश कुमार श्रेष्ठले दोधारा चाँदनी नगरपालिकाका प्रमुख किशोर लिम्वुलाई नवनिर्मित सुरक्षित घर हस्तान्तरण गरेका हुन् ।
नेपाली सेनाको शीघ्र प्रभावी परियोजना अन्तर्गत प्राप्त बजेटबाट कञ्चनपुरमा रहेको सेनाको श्रीदल गुल्मद्वारा बाढीको उच्च जोखिममा रहेको दोधारा चाँदनीको कुतियाकभरमा सुरक्षित घर निर्माण गरिएको हो ।
सेनाको २० लाख र स्थानीय नगरपालिकाको ५ लाख गरि २५ लाखको लागतमा निर्मित घरमा बाढी पसेर बस्ती डुवानमा परेका बखत ६० जनासम्म स्थानीयवासीलाई सुरक्षित राख्न सकिने तथा विपद् व्यवस्थापन सम्बन्धी गतिविधि सञ्चालनमा सहज हुने पृतनापति श्रेष्ठले बताए ।
सेनाको शीघ्र प्रभावी परियोजना अन्तर्गत २ करोड रकम विनियोजन गरेको जानकारी दिँदै पृतनापति श्रेष्ठले उक्त रकममध्ये ८ वटा पृतना मातहतका क्षेत्रमा जहाँ विपद् व्यवस्थापनका लागि भौतिक संरचना निर्माणको आवश्यकता पर्छ, सो ठाउँमा बजेट उपलब्ध गराइ विपद् व्यवस्थापन न्युनीकरणका काम हुने गरेको बताए । कार्यक्रममा नगर प्रमुख किशोर लिम्वुले ३ महिनाकै छोटो अवधिमा सेनाले सुरक्षित घर निर्माण गरेकोमा खुशी व्यक्त गरे । बिभिन्न गैरसरकारी संस्था र नगरपालिका समेतको सहयोगमा निर्माणाधीन अवस्थामा रहेको अर्को सुरक्षित घर छिट्टै निर्माण सम्पन्न गर्नु पर्ने बताए ।
पश्चिमतर्फ जोगबुढा र पूर्वी क्षेत्रमा महाकाली नदी रहेको दोधाराको कुतियाकभर बाढीको उच्च जोखिममा रहेको बस्ती हो । विगत वर्षायाममा बाढी बस्तीमा पसेका बखत यहाँका स्थानीबासीले रुखमा चढेर ज्यान जोगाउने गरेको स्थानीय मोतीराम सुनारले बताए । ४२ परिवार बसोवास गर्ने यहाँको बस्तीका अधिकांश घरहरु जस्ता र फुसले छाएका छन् ।
बीसको दशकमा हालको कर्णाली प्रदेशको दैलेख, सल्यान, सुर्खेत र जाजरकोट लगायतका जिल्लाबाट बसाइँ सरी आएका परिवारको यहाँ बसोवास रहेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)