भन्सार छलेर ल्याइएको लाखौँको कपडा बरामद

नेपालगन्ज उपमहानगरपालिका– २ न्यूरोड भानुभक्त चोकमा रहेको सोनी गुप्ताको घरमा प्रहरीले छापा मारेर प्रहरी कपडा बरामद गरेको हो ।

भन्सार छलेर ल्याएको ३४ लाख १९ हजार २ सय रुपैयाँ बराबरको ४ हजार २७४ पिस कुर्ता सुरुवाल र ४ लाख २० हजार रुपैयाँ बराबरको ४८० पिस साडी बरामद गरिएको हो ।

बाँकेका प्रहरी प्रवक्ता नारायण डाँगीका अनुसार ३८ लाख ३९ हजार २ सय रुपैयाँ बराबर रहेको कपडालाई प्रहरीले आवश्यक कारबाहीका लागि नेपालगन्ज भन्सार कार्यालयमा बुझाएको छ।