रोल्पामा जिप दुर्घटना, ११ जनाको उद्धार
रोल्पा — रोल्पामा सोमबार दिउँसो जिप दुर्घटना भएको छ । रोल्पाको घर्तीगाउँदेखि तालाबाङ जाँदै गरेको लु १ ज ३२५२ नम्बरको जिप घर्तीगाउँ–तालाबाङ सडक अन्तर्गत परेवा छहरा नजिकैबाट ४ सय मिटर मुनि खसेर दुर्घटनाग्रस्त भएको प्रहरीले जनाएको छ ।
प्रहरीले हालसम्म ११ जनाको उद्धार गरेको जनाएको छ । माडी–२ को घर्तीगाउँदेखि माडी– ३ र ४ को तालाबाङ जाने क्रममा उक्त जिप दुर्घटनामा परेको हो । जिप दिउँसो ४ बजे घर्तीगाउँबाट हिडेको थियो भने करिब एक घण्टापछि दुर्घटनामा परेको थियो ।
प्रहरीले जिपमा ११ देखि १४ जनासम्म सवार भएको बताएको छ । जिप दुर्घटनापछि सबै यात्री गम्भीर घाइते भएका छन् ।
प्रहरी नायब उपरीक्षक भरत लामाले सबै घाइतेलाई घर्तीगाउस्थित स्वास्थ्य चौकी र जिल्ला अस्पतालमा ल्याउने व्यवस्था मिलाइएको र मृत्यु भएकोहरुको घोषणा अस्पतालस्थित चिकित्सकले गर्ने बताए । जिपमा सवार एउटै गाउँ तालाबाङका थिए ।
प्रकाशित : असार १७, २०८१ २०:०९