इकोनोमी श्रेणीमा क्याथे विश्वकै उत्कृष्ट
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — हङकङलाई काठमाडौंसंग जोड्दै आइरहेको क्याथे प्यासिफिकले इकोनोमी श्रेणीमा विश्वकै उत्कृष्ट पुरस्कार प्राप्त गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![इकोनोमी श्रेणीमा क्याथे विश्वकै उत्कृष्ट](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/new-project-0172024052909-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उसलाई स्काईट्रयाक्सले यो पुस्कार प्रदान गरेको विज्ञप्तिमा उल्लेख गरिएको छ । ‘हामी विश्वकै उत्कृष्ट पाँचौँ वायुसेवामा समेत पुस्कृत भएका छौँ,’ विज्ञप्तिमा भनिएको छ,‘साथै यो वायुसेवालाई स्काईट्रयाक्सले विश्वकै सफा वायुसेवामा पनि राखेको छ ।’
क्याथेका सीइओ रोनाल्ड लामले शिर्ष १० बाट यस वर्ष शीर्ष ५ मा पुगेको उपलब्धिले असाध्यै खुसी बनाएको प्रतिक्रिया दिएका छन् । अघिल्लो वर्षको दाजोमा क्याथे तीन स्थान माथि उक्लिएको छ ।
उनले यी उपलब्धिमै क्याथे नअडिने जनाउँदै ग्राहकको चाहाना अनुसार विश्वकै उत्कृष्ट वायुसेवाको सूचीका लागि अनवरत यात्रा जारी रहने बताएका छन् । क्याथेले निकट भविष्यमै बिजनेश श्रेणीमा रहने यात्रुहरुकालागि निशुल्क वाईफाई सुविधा पनि थालनी हुन लागेको जनाएको छ ।
बेलायतमा रहेको स्काईट्रयाक्सले जापान एयरलायन्सलाई उत्कृष्ट प्रिमियम इकोनोमी, कतारलाई उत्कृष्ट बिजनेश श्रेणी र सिंगापुर एयरलायन्सलाई उत्कृष्ट प्रथम श्रेणीमा पुस्कृत गरेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)