खेलकुदमन्त्री श्रेष्ठ र कोरियाली मन्त्रीबीच भेटवार्ता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — कोरिया भ्रमणमा रहेका युवा तथा खेलकुदमन्त्री विराजभक्त श्रेष्ठले सोमबार दक्षिण कोरियाको संस्कृति खेलकुद र पर्यटन मन्त्रालयकी द्वितीय उपमन्त्री जाङ मि-रानसँग भेटवार्ता गरेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![खेलकुदमन्त्री श्रेष्ठ र कोरियाली मन्त्रीबीच भेटवार्ता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/game-0172024060604-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
भेटमा खेलकुदमन्त्री श्रेष्ठले नेपालको शैलुङमा बन्न लागेको हाइअल्टिच्युट ट्रेनिङ सेन्टरको बारेमा जानकारी गराए । उनले ट्रेनिङ सेन्टरका लागि नेपाल सरकारले बजेट छुट्टयाएको र प्राथमिकता साथ अगाडि बढाउने बताए । उपमन्त्री मि–रानले उक्त सेन्टरको स्थलगत भ्रमण गर्ने प्रतिबद्धता जनाइन् ।
दक्षिण कोरिया र नेपालबीचको कूटनीतिक सम्बन्धको ५०औं वार्षिकोत्सवको अवसरमा शुभकामना आदानप्रदान गरिएको थियो । दुई देशबीच सांस्कृतिक आदानप्रदानका विषयमा पनि छलफल भएको खेलकुद मन्त्रालयले जनाएको छ ।
युवाका लागि नेपालमा मेडिटेसन सेन्टर निर्माणको विषयमा पनि सकारात्मक छलफल भएको जनाइएको छ । मि-रान ओलम्पिककी स्वर्णपदक विजेता र चार पटककी विश्व विजेता भारोत्तोलक हुन् ।
कोरिया सरकारको निमन्त्रणामा दक्षिण कोरियाको औपचारिक भ्रमणमा रहेका मन्त्री श्रेष्ठले मंगलबार कोरियाली स्पोर्ट्स एन्ड ओलम्पिक कमिटीका अध्यक्ष ली–की हुङ र वर्ल्ड तेक्वान्दो फेडेरेसनका अध्यक्ष चुङवोङ चावोसँग भेटवार्ता गर्ने कार्यक्रम छ ।
![](https://assets-cdn.ekantipur.com/uploads/source/ads/900-x-100-0172024023126.gif)