नेपाल–भारत सीमा समन्वय समिति बैठक : 'अपराध र तस्करी नियन्त्रण गर्न आपसी सहयोग र समन्वय गरिने'
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पर्सा — नेपाल–भारत जिल्लास्तरीय सीमा समन्वय समितिको बैठक शनिबार वीरगन्जमा सम्पन्न भएको छ । वीरगन्जस्थित एकीकृत सुरक्षा जाँच चौकीको सभा हलमा सम्पन्न बैठकमा सीमापारका चुनौतीहरुको सामना गर्न आपसी सहयोग र समन्वय गर्ने विषयमा दुवै देशका अधिकारीहरुले छलफल गरेका थिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नेपाल–भारत सीमा समन्वय समिति बैठक : 'अपराध र तस्करी नियन्त्रण गर्न आपसी सहयोग र समन्वय गरिने'](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/44938654710138742000919139173690059133501339n-2962024061013-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
बैठकमा नेपालका सीमावर्ती जिल्लाका पदाधिकारी, पूर्व चम्पारण र पश्चिम चम्पारण जिल्लाका वरिष्ठ अधिकारीहरुको सहभागिता थियो ।
बैठकमा सीमा सुरक्षा, नक्कली नोटको तस्करी नियन्त्रण, हातहतियार, लागूऔषध, मदिरा, सूर्ति तथा अन्य अवैध वस्तुको नियन्त्रणका विषयमा छलफल भएको थियो । बैठक पर्सा जिल्लाका प्रमुख जिल्ला अधिकारी दिनेश सागर भुसाल र भारत बिहार पूर्वी चम्पारणका जिल्ला अधिकारी सौरभ जोरवालको संयुक्त अध्यक्षतामा भएको थियो । भेटमा दुवै जिल्ला अधिकारीले संयुक्तरुपमा वार्ता अत्यन्तै सौहार्दपूर्ण र सकारात्मक वातावरणमा भएको र यसले आगामी दिनमा सीमापार हुने गैरकानुनी गतिविधिलाई नियन्त्रण गर्न निकै मद्दत पुग्ने बताए ।
बैठकको प्रारम्भमा भारत बिहार पूर्वी चम्पारण जिल्ला अधिकारी सौरभ जोरवाल र पश्चिम चम्पारण जिल्ला अधिकारी दिनेशकुमार रायले भारतको २०२४ को लोकसभा निर्वाचनको अवसरमा नेपालबाट प्राप्त सहयोगका लागि नेपाली पक्षलाई धन्यवाद ज्ञापन गरेका थिए ।
बैठकमा पर्सा र बारा जिल्लाका प्रमुख जिल्ला अधिकारीहरु, भारतको पूर्वी र पश्चिमी चम्पारणका जिल्ला अधिकारीहरु, नेपालका दुवै जिल्लाका प्रहरी उपरीक्षक, पश्चिम चम्पारणका जिल्ला मजिस्ट्रेट, भारत बगाहाका प्रहरी उपरीक्षक, भारतको मोतिहारी नगरपालिका आयुक्त, अतिरिक्त कलेक्टर, सदरमुकामका एसडीओलगायतका सहभागी थिए ।
![](https://assets-cdn.ekantipur.com/uploads/source/ads/900-x-100-0172024023126.gif)