प्रदेश सरकारको सहयोगबिना स्थानीय तहको विकास असम्भव : मुख्यमन्त्री सिंह
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
धनुषा — मधेश प्रदेशका मुख्यमन्त्री सतिशकुमार सिंहले बजेट सञ्चालन गर्न प्रदेश सरकार सचेत रहेको बताएका छन् । 'प्रदेशमा कृषि र पर्यटन पर्याप्त सम्भावना रहेको तर बजेट अभावमा सञ्चालन हुन सकेको छैन,' उनले भने ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![प्रदेश सरकारको सहयोगबिना स्थानीय तहको विकास असम्भव : मुख्यमन्त्री सिंह](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img20240629203138-2962024060425-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
महोत्तरी चेम्बर अफ कमर्सले बर्दीबासमा आयोजना गरेको सम्मान तथा नागरिक सुलभ स्वास्थ्य अभियान सुरु गर्दै मुख्यमन्त्री सिंहले अभिभावक नभएका बालबालिकाको लालनपालन गर्न प्रदेश सरकार गम्भीर रहेको बताए । बर्दीबास नगरपालिकाका प्रमुख प्रह्लाद क्षेत्रीले कृषिको उर्वरभूमि मधेशमा कृषिको कुनै योजना प्रभावकारी बन्न नसकेको बताए ।
तीन तहको सरकारले बजेट खर्च गरे पनि किसान लाभान्वित नभएकोले मधेशको कृषि उत्पादन बढाउने योजना ल्याउन मुख्यमन्त्रीसँग आग्रह गरे । प्रदेश सरकारको सहयोगबिना स्थानीय तहको विकास असम्भव रहेको उनेको भनाइ छ ।
प्रदेशको मन्त्री हुने स्थानीय तहमा बजेटको आधी आए पनि छिमेकी स्थानीय तहमा प्रदेशको बजेट शून्य हुने अवस्था सुधार्न नगर प्रमुख क्षेत्रीले मुख्यमन्त्रीसँग आग्रह गरे । कुष्ठरोग पीडित परिवारका बालिकाहरुसँग मुख्यमन्त्रीलाई महोत्तरी चेम्बर अफ कमर्श भेटघाट गराएका थिए । धनुषाको लालगढस्थित कुष्ठरोग अस्पतालमा बस्दै आएका बालबालिकाहरुलाई सहयोग गर्दै आएको महोत्तरी चेम्बर अफ कमर्सका अध्यक्ष सुधीर अग्रवालले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)