स्कुलस्तरीय निबन्धमा श्रेया र सपना विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — वरिष्ठ बाल साहित्यकार शान्तदास मानन्धरको स्मृतिमा काठमाडौं महानगरपालिका–२३ वडामा महानगरव्यापी स्कुलस्तरीय निबन्ध तथा कविता प्रतियोगिता भएको हो । साहित्यकार मानन्धर २३ वडाका पूर्वअध्यक्ष पनि हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![स्कुलस्तरीय निबन्धमा श्रेया र सपना विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/shantadas-balshaity-pratiyogita6-2962024040639-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कक्षा ६ र ७ तथा कक्षा ८–९ गरी दुई समूहमा भएको प्रतियोगितामा कक्षा ८–९ तर्फ निबन्धमा फ्युचर स्टारका कक्षा ८ का श्रेया पराजुली प्रथम, विजेश्वरी ज्ञानमन्दिरका कक्षा ९ का प्रकृति चौहान द्वितीय, श्रीरत्नराज्य माविका कक्षा ८ का सम्पदा थापा तृतीय र जगतसुन्दर ब्वनेकुथिका कक्षा ९ का कजना श्रेष्ठ सान्त्वना भए ।
कवितातर्फ ज्ञानोदयका कक्षा ८ का सद्भाव ज्ञवाली प्रथम, कक्षा ९ का अनिश विष्ट द्वितीय, श्रीमहांकाल माविका कक्षा ९ का अञ्जली गुप्ता तृतीय र शान्ति निकुञ्ज माविका कक्षा ९ का सविना न्यौपाने सान्त्वना स्थानमा रहे ।
कक्षा ६–७ तर्फ निबन्धमा महांकालका कक्षा ७ का सपना श्रेष्ठ प्रथम, नेपाल युवकका कक्षा ६ का आयशा खातुन द्वितीय, कन्या मन्दिरका कक्षा ७ का करुणा नेपाल तृतीय र जनकल्याण माविका कक्षा ६ का युवराज शाह सान्त्वना भए ।
कवितातर्फ जगतसुन्दर ब्वनेकुथिका कक्षा ६ का निभा श्रेष्ठ प्रथम, रत्नराज्या कक्षा ७ का हीरा कुँवर द्वितीय, कंकेश्वरी आधारभूतका कक्षा ७ का बिल्कस खातुन तृतीय र शान्ति निकुञ्जका कक्षा ६ का सुष्मा माझी सान्त्वना भए ।
प्रतियोगिता कक्षा ६ र ७ तर्फ नेपालभाषा र कक्षा ८ र ९ तर्फ नेपाली भाषामा भएको हो । कार्यक्रममा विजयी विद्यार्थीले आ–आफ्नो रचना पाठ गरेका थिए । विजेता विद्यार्थीलाई शनिबार काठमाडौं महानगरपालिकाका उपमेयर सुनिता डंगोल र वडा २३ का अध्यक्ष मचाराजा महर्जनले पुरस्कार प्रदान गरे । प्रथम, द्वितीय, तृतीय र सान्त्वना हुनेलाई क्रमशः जनही १० हजार, ७ हजार, ५ हजार र १५ सय रुपैयाँ पुरस्कार प्रदान गरिएको थियो ।
वडाअध्यक्ष मचाराजा महर्जनको सभापतित्वमा भएको कार्यक्रममा प्रमुख निर्णायक रमेशकाजी स्थापितले निर्णय प्रक्रियाबारे जानकारी दिँदै विजयी विद्यार्थीको नाम घोषणा गरेका थिए ।
निर्णायक मण्डलका सदस्य पूर्णिमा डंगोलले वरिष्ठ बाल साहित्यकार मानन्धरको जीवनी प्रकाश पारिन् भने प्रतियोगिताबारे कार्यक्रम संयोजक तथा वडा सदस्य सुरेश मानन्धरले जानकारी गराए ।
प्रकाशित : असार १५, २०८१ १९:५४