सातौं स्केटिङमा खुसी, किरण र वसन्त विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — टोखा नगरपालिकामा शनिबार सम्पन्न सातौं स्केटिङ तथा स्केटबोर्डिङ च्याम्पियनसिपको महिला खुलातर्फ खुसी बिक विजेता भएका छन् । उक्त इभेन्टमा समीक्षा राई दोस्रो र लेमङ्ग मगर तेस्रो भएका छन् । पुरुष जुनियरतर्फ खुलामा किरण लामा गुरुङ पहिलो, यमबहादुर कामु दोस्रो, अविशेष परिवार तेस्रो भएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सातौं स्केटिङमा खुसी, किरण र वसन्त विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/sketing-2962024044119-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सिनियर पुरुषमा प्रथम वसन्त राई पहिलो, शरद् राई दोस्रो र पेन्थेलिन शेर्पा तेस्रो भएका छन् । सबै विधाका विजेताले २५ हजार, दोस्रोले १५ हजार र तेस्रोले १० हजार रुपैयाँ पुरस्कार पाए ।
नेपाल स्केटिङ तथा स्केटबोर्डिङ संघका अध्यक्ष अच्युत खनालले दुई दिने प्रतियोगितामा जुनियर र सिनियर १८० पुरुष तथा जुनियर र सिनियर ७० महिला खेलाडीले भाग लिएको बताए ।
प्रतियोगिताको संघीय मामिला तथा सामान्य प्रशासनमन्त्री भानुभक्त जोशीले उद्घाटन गर्दै स्केटिङ र स्केटबोर्डिङ साहसिक र लोभ्याउने खेल भएको ७५३ वटै पालिकामा त्यसका लागि खेलस्थल बनाउनुपर्ने बताएका थिए ।
नेपाल स्केटिङ तथा स्केटबोर्डिङ संघ र राष्ट्रिय खेलकुद परिषदको संयुक्त आयोजनामा भएको प्रतियोगिताको उद्घाटनमा सर्जक तथा गायक प्रकाश सपुतले पनि यस खेलबाट देशको नाम राख्न खेलाडीलाई आग्रह गर्दै खेलको प्रवर्द्धनमा आफू लाग्ने प्रतिवद्धता जनाएका थिए ।
टोखा नगरपालिकाका प्रमुख प्रकाश अधिकारीले प्रतियोगिता आफ्नो पालिकामा आयोजना हुँदा गौरव बढेको बताउँदै आफ्ना पालिका कुनै पनि खेलाडी आर्थिक अभावका कारण देशभित्र र बाहिर हुने प्रतियोगिता खेल्नबाट वञ्चित हुनु नपर्ने दाबी गरे ।
नेपाल ओलम्पिक कमिटीका महासचिव नीलेन्द्रराज श्रेष्ठलगायतले खेलाडीलाई स्केटबोर्ड हस्तान्तरण गरेका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)