भारतद्वारा पद्मकन्या माविको छात्रावास निर्माण

काठमाडौंस्थित भारतीय दूतावासका प्रथम सचिव अविनाशकुमार सिंह र जिल्ला समन्वय समिति, काठमाडौंका प्रमुख सन्तोष बुढाथोकीले सोमबार भवनको उद्घाटन गरे ।

३ करोड २३ लाख रुपैयाँ लागतमा ३९ वटा कोठा भएको चारतले भवन निर्माण गरिएको हो । भारत सरकार र नेपाल सरकारबीच भएको सम्झौताअन्तर्गत यस परियोजनालाई उच्च प्रभाव सामुदायिक विकास परियोजनाको रूपमा अघि बढाइएको थियो ।

सन् २००३ यता भारतले नेपालका विभिन्न क्षेत्रमा ५५१ वटा भन्दा बढी उच्च प्रभाव सामुदायिक विकास परियोजना अघि बढाएको छ भने ४९० वटा परियोजना सम्पन्न गरेको भारतीय दूतावासले जनाएको छ ।