काठमाडौँ — महालक्ष्मी विकास बैंक र केबी चित्रकार एन्ड कम्पनी चार्टर्ड एकाउन्टेन्टसँग सम्झौता भएको छ । बैंक र कम्पनीबीच नेपाल वित्तीय प्रतिवेदन मापदण्डअनुरूप ‘एनएफआरएस ०९ : एक्सपेक्टेड क्रेडिट लस’ (ईसीएल) मोडल कार्यान्वयनका लागि सम्झौता भएको हो ।
उक्त सम्झौताबाट बैंकको जोखिम व्यवस्थापनलाई अझ सुदृढ बनाउँदै पारदर्शी वित्तीय प्रतिवेदन प्रस्तुत गर्न सहयोग पुग्ने जनाइएको छ ।
साथै यसको कार्यान्वयनबाट वित्तीय प्रतिवेदन मापदण्ड पूरा गर्न, सञ्चालन सक्षमता सुदृढ गर्न र नियामक निकायबाट जारी निर्देशनको प्रभावकारी रूपमा कार्यान्वयन गर्न बैंकलाई सहयोग पुग्ने उल्लेख गरेको छ ।