बालकुमारी सहकारीको रजत महोत्सवमा रक्तदान कार्यक्रम

मध्यपुर थिमिस्थित शंखधरचोक (भाःफल्चा) मा आयोजना गरेको रक्तदान कार्यक्रममा ७८ जना पुरुष र २४ जना महिलाले रक्तदान गरेको आयोजकले जनाएको छ । रक्तदाताहरुलाई प्रमाणपत्र र टिसर्ट दिइएको थियो ।

नेपाल रेडक्रस सोसाइटी, भक्तपुर शाखाको प्राविधिक सहयोगमा सञ्चालित कार्यक्रममा नेपाल रेडक्रस सोसाइटी केन्द्रीय उपमहामन्त्री मनोज थापा, नेपाल स्वयंसेवी रक्तदाता समाजका अध्यक्ष प्रेमसागर कर्माचार्य, सहकारी संस्थाका अध्यक्ष तुईलाल श्रेष्ठसहितका पदाधिकारी, शेयर सदस्य, शुभेच्छुक एवं रक्तदाताहरु सहभागी थिए ।