नेकपा एसको विद्यार्थी संगठन अखिलले शैक्षिक गोष्ठी गर्दै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नेकपा एकीकृत समाजवादीको विद्यार्थी संगठन अनेरास्ववियूले विद्यार्थी दिवसको अवसरमा दुई दिने शैक्षिक गोष्ठी गर्ने भएको छ । त्रिभुवन विश्वविद्यालय केन्द्रीय क्याम्पस कीर्तिपुरमा 'आजको पुँजीवाद, शिक्षा प्रणाली र विद्यार्थी आन्दोलन' विषयक गोष्ठी मंगलबार र बुधबार दुईदिन चल्नेछ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![नेकपा एसको विद्यार्थी संगठन अखिलले शैक्षिक गोष्ठी गर्दै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/gosthi-1352024024000-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आफ्नो आन्दोलनको इतिहासको स्मृतिमा दिवस मनाउन लागिएको भए पनि अनेरास्ववियूले नेपालको विद्यमान शैक्षिक प्रणालीका विविध आयामहरुमाथि गम्भीर बहस गर्न लागेको हो । अनेरास्ववियूकी अध्यक्ष आरती लामाका अनुसार गोष्ठीमा विद्यार्थी आन्दोलनको विगतको सिकाइ र आजको तयारीबारे समेत गहिरो विमर्श हुनेछ ।
शैक्षिक गोष्ठीमा नेपालको शिक्षा प्रणालीमा विश्व पूँजीवादको प्रभाव, समाजवादी शिक्षा, शिक्षण विधिको राजनीति र विचारको लडाइँ, विश्वविद्यालय जीवनमा नवउदारवादको प्रभाव तथा समाजवादी शिक्षाको आगामी बाटो जस्ता विषयहरुमा छलफल हुनेछ ।
![](https://assets-cdn.ekantipur.com/uploads/source/ads/900-x-100-1-0282024055738.gif)