अल्कारेजको संघर्षपूर्ण विजयी सुरुवात
काठमाडौँ — डिफेन्डिङ च्याम्पियन कार्लोस अल्कारेजले सोमबार विम्बल्डन-२०२४ मा विजयी सुरुवात गरेका छन् । तर यो जित संघर्षपूर्ण रह्यो । उनले पहिलो चरणमा इस्टोनियाली क्वालिफायर मार्क लाजललाई ७–६, ७–५ र ६–२ ले पराजित गरेका हुन् ।
गत महिना फ्रेन्च ओपन जितेयता स्पेनी खेलाडी अल्कारेज लगातार अर्को ग्रान्ड स्लाम उपाधि जित्ने अभियानमा छन् । शीर्ष वरीयताका यानिक सिनरले भने अर्को खेलमा यानिक हान्फमनलाई ६–३, ६–४, ३–६ र ६–३ ले हराए ।
महिलातर्फ इमान राडुकानले रेनाटा जाराजुआलाई ७–६ र ६–३ ले हराइन् । यस्तै नाओमी ओसाकाले भने डायना पेरीमाथि ६–१, १–६ र ६–४ को जित निकालिन् ।
प्रतिक्रिया