करेन्ट लागेर वृद्धको मृत्यु

जिल्लाको बाग्चौर नगरपालिका ३ सोताघारका अन्दाजी ७० वर्षका मोहनलाल वलीको करेन्ट लागेर मृत्यु भएको हो ।

घर नजिकैको खेतमा धानमा सिँचाईका लागि खोलाबाट पानी तान्न मोटर जोड्ने क्रममा वलीलाई करेन्ट लागेको घटनास्थलमै मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशमबहादुर खत्रीले बताए ।

ईप्रका थामारेको प्रहरी निरीक्षक नविन थापा सहितको टोली घटनास्थल पुगेको र मुचुल्का उठाउने काम भैरहेको उनले जानकारी गराए । मुचुल्का उठाइसकेपछि वलीको शवलाई पोस्टमार्टमका लागि जिलला अस्पताल सल्यान ल्याइने उनले बताए ।